ការការពារ និងស្មារតីចូលរួមថែរក្សារាល់សមិទ្ធិផលដែលបានកើតឡើងនៅក្នុងឃុំ គឺជាកិច្ចការចាំបាច់បំផុត ព្រោះថាសមិទ្ធិផលទាំងអស់នេះ គឺបានកើតឡើងពីការសំណូមពរដ៏ទទូចរបស់ប្រជាពលរដ្ឋ ចំពោះអជ្ញាធរខេត្ត។ ឯកឧត្តមបណ្ឌិត ម៉ៅ ភិរុណ អភិបាលខេត្តកណ្ដាលលើកដូច្នេះ ចំពោះមុខប្រជាពលរដ្ឋជាង៥០០នាក់ ដែលបានចូលរួមពិធីសម្ពោធដាក់ឲ្យប្រើប្រាស់ជាផ្លូវការ នូវសមិទ្ធិផល ផ្នែកហេដ្ឋារចនាសម្ព័ន្ធ នៅសង្កាត់កំពង់សំណាញ់ ក្រុងតាខ្មៅ នាថ្ងៃទី១៤ ខែកក្ដដា ឆ្នាំ២០១៨ ។