ភ្នំពេញ ៖ នៅព្រឹកថ្ងៃទី១២ ខែមិថុនា ឆ្នាំ២០១៨នេះ រដ្ឋសភា បានបើកកិច្ចប្រជុំគណៈកម្មាធិការអចិន្រ្តៃយ៍របស់ខ្លួន នៅវិមានរដ្ឋសភា ដើម្បីពិនិត្យមើលរបៀបវារៈមួយចំនួន សម្រាប់ដាក់បញ្ចូលក្នុងកិច្ចប្រជុំពេញអង្គ ដែលធ្វើឡើង នាពេលខាងមុខនេះ។
កិច្ចប្រជុំគណៈកម្មាធិការអចិន្រ្តៃនៃរដ្ឋសភា នៅព្រឹកនេះ បានធ្វើឡើង ក្រោមអធិបតីភាព សម្តេច ហេង សំរិន ប្រធានរដ្ឋសភា។

របៀបវារៈដែលត្រូវលើកមកពិភាក្សាក្នុងកិច្ចប្រជុំមាន ៖
ទី១៖ ការពិភាក្សាសុំអនុម័ត សេចក្តីព្រាងច្បាប់ស្តីពីការអនុម័ត យល់ព្រមលេីការធានាទូទាត់របស់ រាជរដ្ឋាភិបាលកម្ពុជាឱ្យក្រុមហ៊ុន ស្នេថេកខូអិលធីឌី។
ទី២៖ ការិនិត្យសំណើសុំអនុម័ត សេចក្តីព្រាងច្បាប់ ស្តីពីការអនុម័តយល់ព្រម លេីការធានាទូទាត់ របស់រាជរដ្ឋាភិបាលនៃកម្ពុជាឱ្យក្រុមហ៊ុន ខេមបូឌា អ៊ិនណេស្យូណល អ៊ិនវេស្តមែន ឌីវើឡុបមែនគ្រុប ៕