ប្រព័ន្ធផ្សព្វផ្សាយធំៗនៅថៃជំរុញឲ្យរដ្ឋាភិបាលឈប់បំពានសេរីភាពសារព័ត៌មាន
បន្ទាប់ពីក្រុមវេជ្ជបណ្ឌិតជាង១ពាន់នាក់បានដាក់ញ្ញត្តិប្រឆាំងនឹងការបង្ក្រាបបាតុកម្មរបស់នគរបាលថៃកាលពីម្សិលមិញនោះ ស្រាប់តែបណ្តាស្ថាប័នព័ត៌មានធំៗបានរួមគ្នាអំពាវនាវដល់រាជរដ្ឋាភិបាលបញ្ឈប់ការបំពានលើសេរីភាពសារព័ត៌មាន ហើយក្រុមគ្រូពេទ្យតវ៉ាក៏បង្ហាញការគាំទ្រដល់ការជំរុញនេះដែរ។
ប្រតិកម្មរបស់ប្រព័ន្ធផ្សព្វផ្សាយនេះធ្វើឡើង ក្រោយពេលមានលិចលឺព័ត៌មានថា ស្ថាប័នព័ត៌មានអនឡាញចំនួន៥ប្រឈមមុខនឹងផ្លូវច្បាប់ ពីបទបំពាននឹងបទបញ្ជាដាក់ប្រទេសស្ថិតក្នុងភាពអាសន្ន។ រដ្ឋាភិបាលក៏គ្រោងនឹងមានផែនការប្លុកសារតាមបណ្តាញទំនាក់ទំនងសង្គម តេឡេក្រាម របស់ក្រុមប្រឆាំងរាជរដ្ឋាភិបាលទៀតផង ពោលគឺក្រោយពេលដែលអាជ្ញាធរបាននិងកំពុងបិទគណនីហ្វេសបុករបស់ក្រុមតវ៉ាទាំងនោះ។
ស្ថាប័នផ្សព្វផ្សាយទាំងនោះរួមមាន National Press Council of Thailand, the News Broadcasting Council of Thailand, the Thai Journalists Association, the Thai Broadcast Journalists Association, Online News Providers Association និង National Union of Journalists Thailand ។
សេចក្តីថ្លែងការណ៍រួមរបស់ប្រព័ន្ធផ្សព្វផ្សាយទាំងនេះក៏បានជំរុញដល់រាជរដ្ឋាភិបាលឲ្យឈប់បំពានច្បាប់ ដោយបំបិទមាត់សារព័ត៌មានទៀតផង៕ ប្រភពពីបាងកកប៉ុស្តិ៍
