កងកម្លាំងសង្រ្គោះរបស់កងពលតូចលេខ៧០នៅតែបន្តសកម្មភាពជួយប្រជាពលរដ្ឋជាដដែលក្នុងខណ្ឌដង្កោ
នេះគឺជាថ្ងៃទី១៣ហើយនៃការជួយដឹកជញ្ជូនប្រជាពលរដ្ឋ និងសម្ភារៈ ក្នុងសង្កាត់ស្ពានថ្ម ខណ្ឌដង្កោ។នៅព្រឹកថ្ងៃទី២៦ ខែតុលា ឆ្នាំ២០២០នេះកងកម្លាំងសង្រ្គោះរបស់កងពលតូចលេខ៧០បានបន្តសកម្មភាពក្នុងការដឹកជញ្ជូនប្រជាពលរដ្ឋ និងសម្ភារៈ ដែលទទួលរងការលិចលង់ដោយទឹកជំនន់។ ជាពិសេសកងកម្លាំងសង្រ្គោះរបស់កងពលតូចលេខ៧០ ក៏បានជួយដឹកជញ្ជូនគ្រឿងឧបភោគបរិភោគរបស់ព្រះសង្ឃនៅវត្តបុទុមវត្តី ដែលលោកបានឧបត្ថម្ភជូនប្រជាពលរដ្ឋនៅទីនោះផងដែរ ដើម្បីចូលរួមការងារមនុស្សធម៍ និងចែករំលែកដល់ប្រជាពលរដ្ឋដែលរងគ្រោះដោយសារជំនន់ទឹកភ្លៀង។ មធ្យោបាយក្នុងការដឹកជញ្ជូននេះ ប្រើអូប័រចំនួន ១០គ្រឿង នឹងកម្លាំងទ័ពរបស់កងពលតូចលេខ៧០ ចំនួនប្រមាណ ១០០នាក់ផង។ សូមជម្រាបថា សម្រាប់ខណ្ឌដង្កោ ដែលបានទទួលរងការលិចលង់ដោយទឹកជំនន់អស់រយៈពេល១៣ថ្ងៃមកហើយ។ ទោះជាយ៉ាងណាក៏ដោយកម្លាំងរបស់កងពលតូចលេខ៧០ បានសហការជាមួយកម្លាំងចម្រុះដទៃទៀតគឺនៅតែបន្តជួយប្រជាពលរដ្ឋក្នុងមធ្យោបាយដឹកជញ្ជូនជូនពួកគាត់។
