ក្រុម​បាតុករ​បាន​ធ្វើបាតុកម្ម​ ​នៅ​តំបន់​ពាណិជ្ជកម្ម​ ​Silo​m​ ​ស្ថិត​ក្នុង​ក្រុង​បាងកក​ ​កាលពី​ថ្ងៃ​ព្រហស្បតិ៍​ ​ទី​២​៩​ ​តុលា​ម្សិលមិញ​ ​ដើម្បី​សម្តែង​ការ​ប្រឆាំង​នឹង​ហាង​លក់​ស​ម្លៀ​ក​បំពាក់​របស់​ព្រះ​អា​នុ​ជ​ (​ប្អូនស្រី​) ​របស់​ព្រះមហាក្សត្រ​ថៃ​ ​គឺ​ព្រះនាង​ ​Sir​i​van​n​a​v​ar​i​ N​ar​i​rat​an​a​ ​។​

​ហាង​ឈ្មោះថា​ ​Sir​i​van​n​a​v​ar​i​ ​មាន​ផែន​ការរៀបចំ​កម្មវិធី​បង្ហាញ​ម៉ូត​ ​ក្នុង​កម្មវិធី​រដូវរងា​រ​ ​២​០​២​០​-​២​០​២​១​ ​ចំ​ពេល​ព្រឹត្តិការណ៍​ដ៏​ធំ​ ​French​ ​F​lair​ ​Runway​ ​សម្តែង​នៅ​ ​Man​d​ar​in​ ​Oriental​ ​ក្នុង​រាជធានី​បាងកក​។​

​បាតុកម្ម​ ​People​’s ​Runway​ ​នេះ​បាន​ធ្វើឡើង​នៅ​លើ​ដង​វិថី​ ​Silo​m​ ​ដោយ​ចាប់ផ្តើម​ពី​ប្រាសាទ​ Sr​i​ ​Ma​h​a​ ​M​aria​m​man​ ​ដោយ​ពួកគេ​បាន​ស្រែក​ប្រឆាំង​នឹង​រាជរដ្ឋាភិបាល​របស់​លោក​ប្រា​យុទ្ធ​ ​ចាន់​អូ​ចា ​ហើយ​បន្ត​អំពាវនាវ​ឲ្យ​កែ​ទម្រង់​របប​រាជា​និយម​ ​ហើយ​ក្រៅពី​នេះ​ ​ក៏​មានការ​សម្តែង​ផ្សេងៗ​ ​បង្ហាញ​ពី​មិន​ពេញចិត្ត​ទៀត​ផង​។​

​ថ្មី​នេះ​ៗ​ ​ក្រុម​បាតុករ​ក៏បាន​ធ្វើសកម្មភាព​តវ៉ា​នៅ​ស្ថានទូត​អា​ឡឺម៉ង់​ក្នុង​ក្រុង​បាងកក​ដែរ​ ​សុំ​ឲ្យ​ ​យក​លិខិត​ទៅ​ជូន​រដ្ឋាភិបាល​អា​ឡឺម៉ង់​បើក​ការស៊ើបអង្កេត​ថា​ ​តើ​ព្រះមហាក្សត្រ​ថៃ​បាន​ប្រើអំណាច​នយោបាយ​ ​ក្នុង​ពេល​ស្នាក់​នៅ​ដ៏​យូរអង្វែង​ ​នៅ​ក្រុង​ B​a​v​aria​ ​ប្រទេស​អា​ឡឺម៉ង់​ដែរ​ឬទេ​ ​ហើយក៏​ទាមទារ​ឲ្យ​បញ្ជាក់​ពី​ការ​បង់ពន្ធ​របស់​ស្តេច​ថៃ​រូប​នេះ​ ​ក្នុង​ប្រទេស​អា​ឡឺម៉ង់ ​ខណៈ​ដែល​ទទួល​បាន​ទ្រព្យសម្បត្តិ​មហាសាល​ពី​ព្រះ​បិតា​ទៀង​ផង​៕​