គ្រឿងញៀនជាង៣គីឡូក្រាមរួមនិងជនសង្ស័យពីរនាក់ត្រូវបានសមត្ថកិច្ចបង្ក្រាបបាននៅរាជធានីភ្នំពេញ។ យោងតាមមន្រ្តីនៃមន្ទីរប្រឆាំងគ្រឿងញៀន ការបង្ក្រាបបានធ្វើឡើងនៅចំណុចមុខផ្សារផ្លាហ្សា ភូមិស្ពានខ្ពស់ សង្កាត់គីឡូលេខ៦ ខ័ណ្ឌឫស្សីកែវកាលពីថ្ងៃទី ១៤ ខែវិច្ឆិកា។ ជនសង្ស័យទាំងពីរនាក់ រួមមានឈ្មោះ ស៊ន ដារ៉ូ ភេទប្រុស អាយុ ២២ឆ្នាំ ជនជាតិខ្មែរ និងទី២-ឈ្មោះ ម៉ុក ស្នា ភេទប្រុស អាយុ ១៦ឆ្នាំ ជនជាតិ វៀតណាម ។ វត្ថុតាងដែលសមត្ថកិច្ចបង្ក្រាបបានរួមមាន សារធាតុញៀនប្រភេទមេតំហ្វេតាមីនICE ទម្ងន់ជា៣ពាន់១៤៩ក្រាម ។