IIF៖ ព្រោះកូវីដ១៩ បំណុលពិភពលោក២០២០នឹងកើនបំណែកកំណត់ត្រាដល់២៧៧ទ្រីលានដុល្លារ
បំណុលពិភពលោកត្រូវបានព្យាករណ៍ថា នឹងកើនដល់ចំនួន២៧៧ទ្រីលានដុល្លារអាមេរិក ត្រឹមចុងឆ្នាំ២០២០ ជាចំនួនដ៏ធំលើសលុបពុំធ្លាប់មាន ខណៈដែលបណ្តារដ្ឋាភិបាល និងក្រុមហ៊ុននានាបន្តចំណាយលើការឆ្លើយតបនឹងជំងឺរាតត្បាតកូវីដ១៩ នេះបើតាមរបាយការណ៍របស់វិទ្យាស្ថានហិរញ្ញវត្ថុអន្តរជាតិ (IIF) កាលពីថ្ងៃទី១៨ វិច្ឆិកា ម្សិលមិញ។
វិទ្យាស្ថាន IIF ដែលមានសមាជិករបស់ខ្លួនទូទាំងពិភពលោក រួមមានទាំងស្ថាប័នហិរញ្ញវត្ថុ និងធនាគារជាង៤០០កន្លែងផងដែរនោះ បានអះអាងថា បំណុលក្នុងឆ្នាំ២០២០នេះនឹងកើន១៥ទ្រីលានដុល្លារអាមេរិក ពោលគឺគិតត្រឹមខែកញ្ញា មានដល់ទៅ២៧២ទ្រីលានដុល្លាររួចមកហើយ។
ប្រភពបញ្ជាក់ថា បណ្តាប្រទេស ដែលភាគច្រើនមកពីទីផ្សាររីកចម្រើន បានគ្របដណ្តប់ប្រមាណជិតពាក់កណ្តាលនៃកំណើនដ៏ខ្លាំងនេះ។ បំណុលរបស់សហរដ្ឋអាមេរិកកំពុងឈានទៅរកកំណើនដល់៨០ទ្រីលានដុល្លារអាមេរិក កើនពី៧១ទ្រីលាន កាលពីឆ្នាំ២០១៩ ខណៈដែលតំបន់អឺរ៉ុបកើន១.៥ទ្រីលានដុល្លារ ពោលគឺត្រឹមខែកញ្ញា មានដល់ទៅ៥៣ទ្រីលានហើយ នេះបើតាមប្រភពដដែល៕ ប្រភពពី CNA
