ថៃសម្រេចឲ្យប្រើថ្នាំញៀន កូកាអ៊ីននិង អាភៀន ស្របច្បាប់ឡើងវិញ
ប្រទេសថៃទើបបានអនុម័តច្បាប់ថ្មី ដែលអនុញ្ញាតឲ្យប្រើប្រាប់កូកាអ៊ីននិង អាភៀន និងថ្នាំផ្សេងៗទៀត សរុបជាង ១០០មុខ សម្រាប់ផ្នែកវេជ្ជសាស្ត្រ និងស្រាវជ្រាវ ដោយបទប្បញ្ញត្តិថ្មីនេះនឹងចូលជាធរមាន នៅខែកក្កដា ឆ្នាំ ២០២១ខាងមុខនេះ។
ការកាន់កាប់ និងប្រើប្រាស់នឹងត្រូវបានផ្តល់ទៅឲ្យអង្គការរដ្ឋាភិបាល និង ឱសថស្ថានដែលត្រូវបានទទួលស្គាល់ និង បុគ្គលិកសុខាភិបាល មានដូចជា ឱសថការី, ពេទ្យធ្មេញ និងពេទ្យសត្វ។ ការលក់ និងរក្សាទុកនូវថ្នាំដែលត្រូវបានចាត់ថ្នាក់ជា ប្រភេទថ្នាំទី២ យោងតាមដោយច្បាប់គ្រឿងញៀន ឆ្នាំ១៩៧៩ គឺអនុញ្ញាតឲ្យអាចលក់ ឬប្រើប្រាស់បាន ក្រោមដែនកំណត់ជាក់លាក់។ គ្រឿងញៀនប្រភេទទី២ រួមមាន កូកាអ៊ីន, អាភៀន, Morphine, Oxycodone, Fentanyl និង Codeine ជាដើម។
នេះមិនមែនជាលើកដំបូងទេ ដែលប្រទេសថៃបានអនុញ្ញាតឲ្យប្រើប្រាស់ថ្នាំញៀនទាំងនេះស្របច្បាប់នោះ កាលពីឆ្នាំ២០១៨ ថៃបានអនុញ្ញាតឲ្យប្រើកញ្ឆាឡើងវិញ សម្រាប់គោលបំណងស្រាវជ្រាវនិងវេជ្ជសាស្ត្រដែរ៕ . ប្រភពពី sea.mashable
