ឯកឧត្តម សៅ សារឿន ត្រួតពិនិត្យភាពមិនប្រក្រតីចំពោះមុខសញ្ញាជនពិការនៅស្រុកវាលវែង
បន្ទាប់ពីគណៈកម្មការអន្តរក្រសួងសម្រាប់ត្រួតពិនិត្យមុខសញ្ញាជនពិការ ដែលជាអតីតយុទ្ធជននៃកងទ័ពកម្ពុជាប្រជាធិបតេយ្យបានចុះត្រួពិនិត្យមុខសញ្ញា ជនពិការដែលជាអតីតៈយុទ្ធជន ក្នុងស្រុក វាលវែង ទិសទី៤ យោធភូមិភាគ ៥ ទាំងចំនួន ៣៣៩ នាក់កន្លងមក ដោយពិនិត្យភាពមិនប្រក្រតីមានចំនួន ៣៧ រូប ។ ទើបព្រឹកថ្ងៃ ព្រហស្បតិ៍ ទី ១៩ ខែ វិច្ឆិកា នេះ ជំនាញក្រុមការងារដឹកនាំដោយ ឧត្តមសេនីយ៍ឯក សៅ សារឿន អគ្គនាយករង អគ្គនាយកដ្ឋានយោធាសេវា នាយក នាយកដ្ឋានកិច្ចការយោធាស៊ីវិល ជាប្រធានគណៈកម្មការអន្តរក្រសួងសម្រាប់ត្រួតពិនិត្យមុខសញ្ញាជនពិការ ដោយមានវត្តមាន តំណាងអាជ្ញាធរមូលដ្ឋាននិងបងប្អូនជនពិការដែលជាអតីតយុទ្ធជននៃកងទ័ពកម្ពុជាប្រជាធិបតេយ្យ បានចុះមកត្រួតពិនិត្យបន្ត នៅទីបញ្ជាការទិសជួរមុខយោធភូមិភាគទី៥ ទីសទី ៤ ក្នុងស្រុកវាលវែង។
ឯកឧត្តម សៅ សារឿន បាននបញ្ជាក់ពីគោលបំណងនៃកិច្ចប្រជុំស្វែងរកភាពមិនប្រក្រចំពោះមុខសញ្ញាជនពិការដែលជាអតីតយុទ្ធជននៃកងទ័ពកម្ពុជាប្រជាធិបតេយ្យដែលបានចុះត្រួពិនិត្យមុខសញ្ញាជនពិការដែលជាអតីតៈយុទ្ធជន ក្នុងស្រុកវាលវែង ទាំងចំនួន ៣៧ នាក់លើចំនួនរួម ៣៣៩នាក់ នារយៈពេកន្លងមកនេះ គឺត្រូវចុះពិនិត្យមុខសញ្ញាជនពិការ មិនជាប់ថ្នាក់ពិការពិតប្រាកដ ពិការមិនចំមុខសញ្ញា និងរបួសស្រាល ដោយមិនចំមុខសញ្ញាពិការ ទើបថ្ងៃនេះជំនាញបានចុះមកពិនិត្យជាលើកទី២ បន្តទៀតដើម្បីជាផលប្រយោធន៍របស់បងប្អូនជនពិការ ដោយឯកឧត្តមបានឲ្យជំនាញក្រុមការងារបន្តចុះត្រួតពិនិត្យដល់គេហដ្ឋានជាក់ស្តែងបន្តទៀត ជូនបងប្អូន ជាមុខសញ្ញាជនពិការចំនួន ៣៧ នាក់ ដោយបញ្ជាក់ទទួលស្គាល់ពីអាជ្ញាធរមូលដ្ឋាន។ចំពោះអ្នកមិនជាប់ចំណាត់ថ្នាក់ពិការ ក្រុមការងារនឹងបញ្ជូនទៅវាយតម្លៃបន្តនៅមន្ទីរពេទ្យ ព្រះកេតុមាលា ។ ឯកឧត្តម សៅ សារឿន បានបញ្ជាក់ផងដែរថា កិច្ចប្រជុំពិភាក្សាការងារនិងពិនិត្យមុខសញ្ញាជនពិការឡើងវិញថ្ងៃនេះមានចំនួន ៣៧ នាក់ អវត្តមាន ៤ នាក់ វត្តមានមកពិនិត្យមុខសញ្ញាចំនួន ៣៣ នាក់ គឺដើម្បីស្វែងរកភាពមិនប្រក្រដី ចំពោះមុខសញ្ញាជនពិការដែលជាអតីតយុទ្ធជននៃកងទ័ពកម្ពុជាប្រជាធិបតេយ្យដែលបានចុះត្រួពិនិត្យមុខសញ្ញាជនពិការដែលជាអតីតៈយុទ្ធជន ក្នុងស្រុកវាលវែង នារយៈពេកន្លងមកនេះ គឺត្រូវចុះពិនិត្យមុខសញ្ញាជនពិការ ជាប់ថ្នាក់ពិការពិតប្រាកដ ពិការមិនចំមុខសញ្ញា និងរបួសស្រាល ដោយមិនចំមុខសញ្ញាពិការ ដែលតំណាងក្រសួងសេដ្ឋកិច្ច ហិរញ្ញវត្ថុដោយចំណារមិនយល់ព្រមចំពោះមុខសញ្ញាទាំង ៣៧ រូប ៕
