ថៃ៖ បង្រ្កាបគ្រឿងញៀនជិត១ពាន់លានដុល្លារ ទីបំផុត ជាការយល់ច្រលំទេ
ការបង្ក្រាបនិងរឹបអូសសំណុំរឿងគ្រឿងញៀន តម្លៃជិត១ពាន់លានដុល្លារអាមេរិក សំដៅលើថ្នាំកេតាមីន ថ្មីៗនេះ នៅប្រទេសថៃគឺជាការភាន់ច្រលំ ហើយការធ្វើតេស្តបង្ហាញថា ពុំមានទាក់ទងនឹងគ្រឿងញៀនទេ នេះបើតាមរដ្ឋមន្ត្រីយុវត្តិធម៌ថៃបញ្ជាក់ នៅថ្ងៃ២៤ វិច្ឆិកានេះ។
លោក Somsak Thepsuthin បាននិយាយថា ក្រោយការធ្វើតេស្ត ថ្នាំ គេតាមីន ប្រែពណ៌ស្វាយទាំងនេះ ជាសារធាតុគីមីប្រើប្រាស់សម្រាប់បន្ថែមរស់ជាតិអាហារ និងសម្រាប់ការសម្អាតនោះទេ។
លោកប្រាប់អ្នកសារព័ត៌មានថា «នេះគឺជាការយល់ច្រលំ ដែលទីភ្នាក់ងាររបស់យើងត្រូវទទួកយក…នេះមិនមែនជាកំហុសទេ វាគឺជាចំណេះដឹងថ្មី»។ លោកបន្ថែមថា ការធ្វើតេស្តលើថ្នាំទាំងនេះបន្តធ្វើ ប្រមាណ៦៦បាវ នៃ៤៧៥បាវតេស្តរួចកាលពីថ្ងៃអាទិត្យ។
រម្លឹកថា ថ្នាំទាំងនេះត្រូវបានរឹបអូសបាន កាលពីថ្ងៃទី១២ វិច្ឆិកា ២០២០ ដែលដំបូងឡើយ អាជ្ញាធរថៃចោទថា គឺជាបណ្តាញថ្នាំញៀនមានពាក់ព័ន្ធនឹងប្រទេសច្រើន។
ជាទូទៅ សម្រាប់វេជ្ជសាស្ត្រ ថ្នាំ ketamine ក៏ត្រូវបានគេប្រើជាថ្នាំស្ពឹក ឬថ្នាំប្រឆាំងនឹងជំងឺធ្លាក់ទឹកចិត្ត ប៉ុន្តែបើសម្រាប់ច្នៃជាថ្នាំញៀនវិញ ជាថ្នាំកំសាន្តវាត្រូវបានគេប្រើដើម្បីជម្រុញអារម្មណ៍សុបិន្តឬអារម្មណ៍ដូចអារម្មណ៍ហើយជួនកាលមានអារម្មណ៍ស្រើបស្រាល៕ ប្រភពពី CNA