ស្ថានទូតអូស្ត្រាលីប្រចាំកម្ពុជា បានប្រគល់សម្ភារៈបរិក្ខារពេទ្យមួយចំនួនដល់មន្ទីរពេទ្យមិត្ដភាព ខ្មែរ-សូវៀត ដើម្បីសម្រាប់ប្រើប្រាស់ប្រយុទ្ធនឹងជំងឺកូវីដ១៩ ។ពិធីប្រគល់និងទទួលនេះ បានឡើងកាលពីថ្ងៃទី១១ ខែមិថុនា ឆ្នាំ២០២០ នៅក្នុងមន្ទីរពេទ្យមិត្ដភាព ខ្មែរ-សូវៀតដោយមានការអញ្ជើញចូលរួមពីនាយកមន្ទីរពេទ្យ លោកសា ស្ដ្រាចារ្យ ងី ម៉េង និង ឯកអគ្គរដ្ឋទូតអូស្ត្រាលីប្រចាំកម្ពុជា លោក Pablo Kang ។ សម្ភារៈសម្រាប់ប្រើប្រាស់ ប្រឆាំងនឹងជំងឺកូវីដ១៩ រួមមាន៖ អាល់កុលជិត ១ពាន់ លីត្រ, ម៉ាស២ម៉ឺន៥ពាន់ម៉ាស់ , ទែ័រម៉ូម៉ែត សម្រាប់វាស់ កំដៅចំនួន២៥គ្រឿង និងរបាំងសុវត្ថិភាពមុខ ចំនួន២៥០ របាំង។