ក្រុម Shakhtar កំពុងឈរលេខ៣ ក្នុងពូលB ឆ្លងកាត់៤ប្រកួតឈ្នះ១ ស្មើរ១ ចាញ់២ មាន៤ពិន្ទុ ត្រូវជួបក្រុម Real Madrid នៅពាក់កណ្តាលអាធ្រាតយប់នេះ សម្រាប់ការប្រកួតពានរង្វាន់ UEFA Champions League វគ្គសន្សំពិន្ទុ សប្ដាហ៍ទី៥ ដោយការជួបគ្នាជើងទី១ Shakhtar ឈ្នះ៣ទល់២ នៅទឹកដី Real Madrid ឯជំនួបយប់នេះគ្រូបង្វឹក Shakhtar ជឿជាក់ថា និងទទួលបានជ័យជំនះបន្តទៀត ។

ចំណែកក្រុមហង្សក្រហម Liverpool វិញ កីឡាករសំខាន់ៗត្រូវអវត្តមានជាច្រើនសប្តាហ៍ ដូចជា Thiago Alcantara នឹងត្រូវអវត្តមានរហូតដល់ឆ្នាំ២០២១ James Milner បញ្ហារបួសសាច់ដុំ ក្រៅពីនោះមាន Virgil van Dijk, Joe Gomez និង Milner, Xherdan Shaqiri, Trent Alexander-Arnold និង Naby Keitaត្រូវអវត្តមានផងដែរ ។

លោក Klopp បានបញ្ជាក់ថា ក្លិបមិនមានកីឡាករគ្រប់គ្រាន់ក្នុងជំនួបយប់នេះ ជាមួយក្លិប Ajax បច្ចុប្បន្ន liverpool ស្ថិតនៅកំពូលតារាងដោយមាន៩ពិន្ទុ ៤ប្រកួត ឈ្នះ៣ ចាញ់១ ។

ដោយលែកអាជ្ញាកណ្តាលបារាំង Stephanie Frappart នឹងក្លាយជាមន្រ្តីនារីដំបូងគេ ដែលនឹងមានវត្តមានសម្រាប់ការប្រកួត នៅពានរង្វាន់ Champions League បុរស ជំនួបរវាង Juventus ជាមួយ Dynamo Kiev នៅថ្ងៃទី២ ខែធ្នូខាងមុខនេះ ។ ស្ត្រីវ័យ ៣៦ ឆ្នាំរូបនេះ បានក្លាយជាស្ត្រីដំបូងគេ ដែលបានធ្វើជាអាជ្ញាកណ្តាលសម្រាប់ការប្រកួតពានរង្វាន់អ៊ឺរ៉ុបដ៏ធំមួយ របស់បុរស វគ្គផ្តាច់ព្រ័ត្រ UEFA Super Cup រវាង Liverpool និង Chelsea ក្នុងឆ្នាំ២០១៩ ។

សូមរំលឹកថា លោកស្រី Stephanie Frappart បានដឹកនាំការប្រកួតលើកដំបូង នៅ Europa League នៅក្នុងខែតុលា ពេល Leicester City ជួប Zorya Luhansk ៕