ភ្នំពេញ  ៖  រថយន្តកាមរីបាឡែនមួយគ្រឿង  ត្រូវរថយន្តដឹកខ្សាច់ធុនធំមិនចាំស្លាកលេខ  បេីកបុកដាច់កង់ខាងឆ្វេង រងការខូចខាត​យ៉ាងដំណំ  រួចបេីកគេចបាត់  ។  ហេតុការណ៍នេះបានកេីតឡេីងកាលពីវេលាម៉ោង៧ជាង  ថ្ងៃទី៩  ខែធ្នូ  ឆ្នាំ ២០២០  ស្ថិតនៅតាម​បណ្ដោយផ្លូវ៦០ម៉ែត្រ  ក្នុងសង្កាត់ជេីងឯក ខណ្ឌដង្កោ  រាជធានីភ្នំពេញ  ។ 

 តាមសម្ដីបុរសម្នាក់ដែលជាអ្នកបកប្រែភាសាចិនបានប្រាប់ថា  មុនពេលកេីតហេតុ  ស្ត្រីម្នាក់ជាជនជាតិចិន  បានបេីករថយន្តម៉ាក  Toyota camry LE  ពណ៌ខ្មៅ  ពាក់ស្លាកលេខភ្នំពេញ  2Q-1400 ធ្វេីដំណេីរម្នាក់ឯង  តាមបណ្ដោយផ្លូវ៦០ម៉ែត្រ  ទិសដៅពីជេីង​មកត្បូងបំណងទៅក្រុងតាខ្មៅ  ខណៈមកដល់ចំណុចកេីតហេតុ  ស្រាប់តែមានរថយន្តដឹកខ្សាច់ធុនធំមួយ​គ្រឿងមិនចាំស្លាកលេខ  បានធ្វេីដំណេីរបញ្ច្រាស់គ្នាក្នុងល្បឿនលឿន  រួចបានបុករថយ ន្ត camry LE ពីចហៀងខាងមុខផ្នែកខាងឆ្វេងពេញទំហឹង  បណ្ដាលឲ្យដាច់កង់ចេញពីរថយន្ត  និងរងការខូចខាតយ៉ាងដំណំ  ចំណែកឯរថយន្តបង្កដឹកខ្សាច់បានបេីករត់គេចបាត់  ក៏ជាសំណាង​ល្អក្នុងករណីនេះមិនបង្កឲ្យនរណាម្នាក់រងរបួស  ។ 

 ក្រោយកេីតហេតុ  សមត្ថកិច្ចមូលដ្ឋានក៏បានចុះទៅដល់ រួចពិនិត្យឃេីញថា  ករណីនេះមិនបង្កឲ្យមនុស្សរងរបួស  និងមិនប៉ះពាល់ដល់សម្បត្តិរដ្ឋ  ក៏ដូចជាពុំមានការប្ដឹងផ្ដល់ពីភាគីរងគ្រោះទេីបត្រឡប់ទៅវិញ  ទុករថយន្តឲ្យម្ចាស់យកទៅជួសជុលដោយខ្លួនឯង  ៕  ដោយ៖  ជីម  ភារ៉ា