ភ្នំពេញ៖ ដើម្បីចូលរួមទប់ស្កាត់ការរីករាលដាលនៃជំងឺកូវីដ-១៩ កម្មវិធីសប្តាហ៍សៀវភៅនឹងរៀបចំតាមរយ:ប្រព័ន្ធវីដេអូអនឡាញ ចាប់ពីថ្ងៃទី០៩ ដល់ ១៤ ខែមីនា ឆ្នាំ២០២១។ សប្តាហ៍សៀវភៅធ្វើឡើងដើម្បីអបអរទិវាជាតិអំណានលើកទីប្រាំមួយ ១១ មីនា ឆ្នាំ ២០២១ ក្រោមប្រធានបទ “អំណានក្នុងបរិបទកូវីដ-១៩” ប្រព្រឹត្តិទៅនៅវិទ្យាស្ថានជាតិអប់រំ។
សប្តាហ៍សៀវភៅ ជាព្រឹត្តិការណ៍មួយចូលរួមចំណែកលើកកម្ពស់វប្បធម៍អាននៅកម្ពុជា។ សម្រាប់ឆ្នាំនេះសមាសភាពចូលរួមផ្ទាល់ក្នុងទិវាអំណានកំណត់មិនឱ្យលើសពីមួយរយនាក់ឡើយ។ ដោយឡែកបទបង្ហាញផ្សេងៗ នឹងធ្វើតាមប្រព័ន្ធអនឡាញ។ នេះបើតាមក្រសួងអប់រំ យុវជន និងកីឡា៕