ម៉ាស់ចំនួនមួយលានម៉ាស់ និងភេសជ្ជៈប៉ូវកម្លាំងចំនួន១ពាន់កេសត្រូវផ្តល់ជួនរដ្ឋបាលរាជធានីភ្នំពេញនៅថ្ងៃនេះ ដោយក្រុមហ៊ុនអង្គរដេលីហ៊្វូដ។ ពិធីប្រគល់និងទទួល បានធ្វើនៅថ្ងៃទី៣១មីនានេះក្រោមវត្តមានអភិបាលរាជធានី លោក ឃូង ស្រេង និងតំណាងក្រុមហ៊ុន អង្គរដេលីហ៊្វូដ។

រាជធានីភ្នំពេញ គឺជាតំបន់ក្តៅនៃចំណុចរាតត្បាត ជម្ងឺកូវីដ១៩ក្នុងចំណោមបណ្តារាជធានីខេត្តចំនួន១៦នៅទូទាំងប្រទេស។ លោក ឃួង ស្រេង បានថ្លែងក្នុងពិធីថា ការផ្តល់អំណោយរបស់ក្រុមហ៊ុន អង្គរដេលីហ៊្វូដ នាពេលនេះ គឺជាទឹក ចិត្តសប្បុរសធម៌ ស្តែងអោយឃើញអំពីការគិតគូរនិងក្តីអាណិតស្រលាញ់ចំពោះជនរួមជាតិ ដោយឈរលើបុព្វ ហេតុជាតិ, សាមគ្គីជាធ្លុងមួយ ក្នុងស្មារតីជួយគ្នា នៅក្នុងកាលៈទេសៈ ដែលប្រទេសជាតិបាននិងកំពុងជួបប្រទះ គ្រោះភ័យនៃការរាតត្បាតជម្ងឺកូវីដ-១៩ ។