ក្លិបសេះបង្កង់ Juventus បានត្រៀមលក់កីឡាករ៦រូប ដោយសារក្លិបកំពុងតែជួបនូវវិបត្តិហិរញ្ញវត្ថុធ្ងន់ធ្ងរ ក្នុងស្ថានភាពការរីករាលដាល នៃវីរុសកូវីដ-១៩ ម្យ៉ាងទៀតប្រមូលថវិកាខ្លះៗទិញកីឡាករមកវិញផងដែរ ។

យោងតាមរបាយការណ៍ពីកាសែតដ៏ល្បីរបស់ប្រទេសអ៊ីតាលីមួយ បានឱ្យដឹងថា កីឡាករទាំង៦នាក់នោះមានកីឡាករ Weston McKennie , Aron Ramsey , Alex Sandro , Merih Demiral , Federico Bernardeschi និង Adrien Rabiot ក្នុងបញ្ជីលក់ចេញរបស់ក្លិប សង្ឃឹមថានឹងទទួលបានចំណូលយ៉ាងហោចណាស់ ៨៥ លានផោន ។

គួរបញ្ជាក់ថា ប្រសិនបើប្រមូលបានថវិកាពីការលក់កីឡាករទាំង៦នាក់នេះ ក្លិបសេះបង្កង់ Juventus គ្រោងនាំយកកីឡាករ Paul Pogba របស់ Man Utd និងកីឡាករមួយចំនួនទៀតផងដែរ ៕