កូវីដ១៩៖ ថៃបន្តឆ្លងជិត១ពាន់នាក់ក្នុង១ថ្ងៃ ៣ថ្ងៃជាប់ៗគ្នាហើយ
អត្ថបទដោយ៖
លន់ សារ៉ាត
មជ្ឈមណ្ឌលគ្រប់គ្រងស្ថានភាពកូវីដ១៩នៅប្រទេសថៃ ហៅកាត់ថា CCSA បានប្រកាសថា នៅថ្ងៃអង្គារ៍ ទី១៣ មេសានេះ ថៃបន្តរកឃើញឆ្លងជំងឺកូវីដ១៩ ជិត១ពាន់នាក់ទៀត ខណៈដែលបីថ្ងៃជាប់ៗគ្នាមកនេះ ថៃបានរកឃើញឆ្លងថ្មី ជិត៣ពាន់នាក់ ដោយ១ថ្ងៃ ជិត១ពាន់នាក់។
ប្រភពបញ្ជាក់ដែរថា ករណីឆ្លងថ្មី ចំនួន៩៦៥នាក់ នាថ្ងៃនេះ ត្រូវបានរកឃើញឆ្លងនៅក្នុងរាជធានីខេត្ត ចំនួន៤២ ហើយតែ៩នាក់ប៉ុណ្ណោះជាករណីនាំចូលពីក្រៅប្រទេស។
គិតត្រឹមព្រឹកថ្ងៃអង្គារ៍នេះ ថៃមានកូវីដ១៩សរុប ៣៤៥៧៥នាក់ ព្យាបាលឲ្យជាសះស្បើយចំនួន២៨២៨៨នាក់ និងស្លាប់៩៧នាក់៕
លន់ សារ៉ាត
ខ្ញុំបាទ លន់ សារ៉ាត ជាពិធីករអានព័ត៌មាន និងជាពិធីករសម្របសម្រួលកម្មវិធីផ្សេងៗ និងសរសេរព័ត៌មានអន្តរជាតិ