កំពង់ចាម៖នៅថ្ងៃទី១៤ ខែមេសា ឆ្នាំ២០២១ វេលាម៉ោ03 និង១០នាទី ក្រោមការដឹកនាំបញ្ជាផ្ទាល់ពីលោក ពីលោកឧត្តមសេនីយ៍ត្រី ហេង វុទ្ធី ស្នងការរង ទទួលផែនការងារនគរបាលព្រហ្មទណ្ឌ ហើយដោយមានការដឹកនាំចុះបញ្ជារសម្របសម្រួលផ្ទាល់ ពីលោក សុធា ពិសិដ្ឋ ព្រះរាជអជ្ញារង បានបន្តធ្វើការស្រាវជ្រាវស៊ើបអង្កេត កំណត់មុខសញ្ញាបាន និងធ្វើការឃាត់ខ្លួនជនសង្ស័យចំនួន០១នាក់ ឈ្មោះ ខ្លី ឡាយ ភេទប្រុសអាយុ២៥ឆ្នាំ ជាតិខ្មែរ បច្ចុប្បន្នស្នាក់នៅបន្ទប់ជួលស្ថិតក្នុងភូមិបឹងកុក២ សង្កាត់បឹងកុក ក្រុងកំពង់ចាម  ហើយបាននាំខ្លួនមកកាន់ស្នងការដ្ឋាននគរបាលខេត្តកំពង់ចាម ដើម្បីសាកសួរ នេះបើតាមបញ្ជារបស់លោក សុធាពិសិដ្ឋ ព្រះរាជអាជ្ញារង នៃអយ្យការអមសាលាដំបូងខេត្តកំពង់ចាម ។

 បន្ទាប់ពីធ្វើការសាកសួរ ឈ្មោះ ខ្លី ឡាយ បានឆ្លើយសារភាពថា ខ្លួនពិតជាបានធ្វើសកម្មភាពឆក់កាបូបកាលពីថ្ងៃទី១៦ ខែមីនា ឆ្នាំ២០២១ នៅចំណុចភូមិទី២ សង្កាត់វាលវង់ ក្រុងកំពង់ចាម ខេត្តកំពង់ចាមពិតប្រាកដមែន ។ រហូតដល់ថ្ងៃទី១៥ ខែមេសា ឆ្នាំ២០២១ បន្ទាប់ពីសាកសួរ សមត្ថកិច្ចយើង បានធ្វើការដកហូតវត្ថុតាង ដែលជនខាងលើ ឆក់យកបាន ហើយយកទៅលាក់ទុករួមមាន ១.ទូរស័ព្ទដៃ ចំនួន០១គ្រឿង ម៉ាក Oppo រីណូហ្វ័រ ពណ៌ស្វាយ ប្រើប្រាស់ស៊ីមកាតលេខ ០៨៨៦៧៥៥០១១ និងលេខ ០៨៦៨៦០១៨៧ *២.កូនសោរមួយចំនួន *៣.អត្តសញ្ញាណប័ណ្ណ១សន្លឹក កាតគ្រីរថយន្ត កាតគ្រីម៉ូតូ និងសម្ភារះមួយចំនួនទៀត ។  បច្ចុប្បន្ន សមត្ថកិច្ច បានចងក្រងសំណុំរឿងតាមនីតិវិធី ដើម្បីបញ្ជូនទៅសាលាដំបូងខេត្តកំពង់ចាមដើម្បីចាត់ការតាមផ្លូវច្បាប់ ៕