លោក Dominic Otuchet ប្រធានសហព័ន្ធអត្តពលិកអ៊ូហ្គង់ដា បានប្រាប់ក្នុងបទសម្ភាសន៍ ជាមួយទីភ្នាក់ងារសារព័ត៌មានស៊ីនហួរកាលពីដើមសប្តាហ៍ថា អត្តពលិកអ៊ូហ្គង់ដាបានបង្កើនការត្រៀមខ្លួន សម្រាប់ការប្រកួតកីឡាអូឡាំពិក នាទីក្រុងតូក្យូ ប្រទេសជប៉ុន ដែលគ្រោងចាប់ផ្តើមពីថ្ងៃទី២៣ ខែកក្ដដា ដល់ ថ្ងៃទី៨ ខែសីហា ។

លោក Dominic Otuchet បានថ្លែងថា “យើងកំពុងកំណត់គោលដៅ ក្នុងការបង្ហាញសមត្ថភាពដ៏ល្អមួយ សម្រាប់ព្រឹត្តិការណ៍កម្រិតពិភពលោកមួយនេះ” ។ ដោយប្រទេសអ៊ូហ្គង់ដា មានកីឡាករល្អច្រើន ដូចជា កីឡាករ Joshua Chepechegei ដែលជាជើងឯកពិភពលោក លេងលើវិញ្ញាសាររត់ចម្ងាយ ៥,០០០ ម៉ែតនិង ១០,០០០ ម៉ែត្រ និងមានកីឡាករក្នុងវិញ្ញាសាររត់ប្រណាំងសរុបចំនួន ១៥នាក់ទៀត ដែលមានសមត្ថភាព រីឯកីឡាករប្រដាល់ មានកីឡាករ Smir Musa Bwogi ។

សូមបញ្ជាក់ថា កីឡាករ Joshua Chepepeegei ដែលជាម្ចាស់មេដាយមាសកីឡាអូឡាំពិក ២សម័យកាលក្នុងឆ្នាំ២០១៦ នៅប្រទេសប្រស៊ីល និង២០១២ នៅអង់គ្លេស ។ សម្រាប់ព្រឹត្តិការណ៍អូឡាំពិកឆ្នាំនេះ Chepepeegei សង្ឃឹមថា នឹងឈ្នះមេដាយមាសចំនួន២ លើវិញ្ញាសាររត់ប្រណាំង ចម្ងាយ ៥,០០០ និង១០,០០០ ម៉ែត្រ ផងដែរ ៕