ក្នុងរយៈពេល ៤ថ្ងៃ ក្រសួងពាណិជ្ជកម្ម បានលក់ស្បៀងជូនប្រជាពលរដ្ឋ ក្នុងតំបន់ក្រហម បានអង្ករ ១ពាន់១៥៨ប៉ាវ និងគ្រឿងបរិភោគមួយចំនួនទៀតផងដែរ
អនុរដ្ឋលេខាធិការ និងជាអ្នកនាំពាក្យក្រសួងពាណិជ្ជកម្មលោក ប៉ែន សុវិជាតិបានឲ្យដឹងនៅព្រឹកថ្ងៃទី២៦ខែមេសានេះថាក្នុង រយៈពេល៤ថ្ងៃ ចាប់ពីថ្ងៃទី២២ ដល់ ២៥ ខែមេសា ឆ្នាំ២០២១ ក្រសួងពាណិជ្ជកម្ម បានលក់ស្បៀងជូនប្រជាពលរដ្ឋ ក្នុងតំបន់ក្រហម បានអង្ករ ១១៥៨ប៉ាវ, មី ៣០២១កេស, ត្រីខ ២៣១៤យួរ, ទឹកត្រី ៨៦៦យួរ, ទឹកស៉ីអ៉ីវ ៧៣៤យួរ, ទឹកបរិសុទ្ធ ១៣៤យួរ, ឆៃប៉ូវ ៦០២ថង់ (១ថង់២គីឡូក្រាម) រួមទាំងបន្លែបង្ការមួយចំនួនទៀត។
ធី ដា
លោក ធី ដា ជាបុគ្គលិកផ្នែកព័ត៌មានវិទ្យានៃអគ្គនាយកដ្ឋានវិទ្យុ និងទូរទស្សន៍ អប្សរា។ លោកបានបញ្ចប់ការសិក្សាថ្នាក់បរិញ្ញាបត្រជាន់ខ្ពស់ ផ្នែកគ្រប់គ្រង បរិញ្ញាបត្រផ្នែកព័ត៌មានវិទ្យា និងធ្លាប់បានប្រលូកការងារជាច្រើនឆ្នាំ ក្នុងវិស័យព័ត៌មាន និងព័ត៌មានវិទ្យា ៕
