រាជរដ្ឋាភិបាលថៃគ្រោងនឹងប្រមូលវ៉ាក់សាំងបង្ការជំងឺកូវីដ១៩ ឲ្យកើនដល់ចំនួន១៥០លានដូស ចាក់ជូនប្រជាពលរដ្ឋក្នុងប្រទេស នេះបើតាមលោកនាយករដ្ឋមន្ត្រី ប្រាយុទ្ធ ប្រកាសតាមហ្វេសបុក កាលពីថ្ងៃទី៨ ឧសភា ម្សិលមិញ។

លោកថា ដំបូងឡើយ ថៃមានផែនការប្រមូលវ៉ាក់សាំងត្រឹម១០០លានដូស ក្នុងនោះ ក៏នឹងមានផលិតនៅក្នុងប្រទេសដែរ នាឆ្នាំក្រោយនោះ ផ្តើមចែកចាយ។

លោកបន្តថា ដោយសារតែស្ថានភាពជាក់ស្តែង រាជរដ្ឋាភិបាលត្រូវដាក់ចេញផែនការថ្មី គឺប្រមូលវ៉ាក់សាំងឲ្យបាន១៥០លានដូសសម្រាប់មនុស្សពេញវ័យ ប្រមាណ៦០លាននាក់ ខណៈដូសនៅសល់ ទុកបម្រុងទុក៕