ក្មេងប្រុស៣នាក់ ដែលចុះលេងទឹក បានលង់ស្លាប់នៅក្នុងហេតុការណ៍២កើតឡើងក្នុងខេត្តបាត់ដំបង។ សេចក្តីរាយការណ៍របស់អាជ្ញាធរថ្ងៃទី១០ឧសភា បានបញ្ជាក់ថាហេតុការណ៍លង់ទឹកករណីទីមួយ បានកើតឡើងនៅ ភូមិវត្តចាស់ ឃុំតាលាស់ ស្រុកមោងឫស្សីដោយមានក្មេងប្រុសអាយុ៥ឆ្នាំម្នាក់ឈ្មោះណាង រតនា បានស្លាប់ពេល ចុះលេងទឹកស្រះ។ ករណីលង់ទឹកទី២ កើតឡើងនៅភូមិអូរមុនី២ ឃុំអន្លង់វិល នៃស្រុកសង្កែ ដោយមាន ក្មេង ប្រុស២នាក់ ឈ្មោះ ឡាយ យ៉ុងបី អាយុ១៤ឆ្នាំ និងឈ្មោះ វុធ ណាវីន អាយុ ១១ឆ្នាំ បានលង់ទឹកស្លាប់ពេលចុះ លេងស្រះជំរៅប្រហែល៩ម៉ែត្រ។ ករណីមនុស្សលង់ទឹកស្លាប់ ត្រូវគេរាយការណ៍ថាបានកើតមានជារៀងរាល់ឆ្នាំ ដោយសារតែអំពើធ្វេសប្រហែស។