នគរបាលខណ្ឌសែនសុខ ឃាត់ខ្លួនជនសង្ស័យម្នាក់ ពាក់ព័ន្ធ ករណីធាក់ផ្តួលយកម៉ូតូ
ភ្នំពេញ ៖ កម្លាំងអន្តរាគមន៍ នៃអធិការដ្ឋាននគរបាលខណ្ឌសែនសុខ នៅវេលាម៉ោង០៨ និង០០នាទី ថ្ងៃទី១៣ ខែឧសភា ឆ្នាំ ២០២១ បានស្រាវជ្រាវឃាត់ខ្លួន ជនសង្ស័យ ០១នាក់ឈ្មោះ គឹម រិទ្ធី ភេទប្រុស អាយុ១៧ឆ្នាំ ជនជាតិខ្មែរ មុខរបរគ្មាន ស្នាក់នៅផ្ទះជួលគ្មានលេខ ផ្លូវបេតុង ភូមិភ្នំពេញថ្មី សង្កាត់ភ្នំពេញថ្មី ខណ្ឌសែនសុខ ពាក់ព័ន្ធករណីលួចមានស្ថានទម្ងន់ទោស (ធាក់ផ្តួលយកម៉ូតូ០១គ្រឿង ម៉ាកសេ១២៥ ពណ៌ខ្មៅ ពាក់ស្លាកលេខភ្នំពេញ 1HZ-4836 ពីជនរងគ្រោះ ឈ្មោះ សួន សុខងីម ភេទស្រី អាយុ ៣៦ឆ្នាំ ភេទស្រី អាយុ៣៦ឆ្នាំ ជនជាតិខ្មែរ មុខរបរកម្មកររោងចក្រ ស្នាក់នៅបន្ទប់ជួល ផ្លូវបេតុង ភូមិត្រពាំងពោធិ៍ សង្កាត់គោករការ ខណ្ឌព្រែកព្នៅ កាលពីថ្ងៃទី០៧-០៣-២០២១ នៅភូមិត្រពាំងរាំង សង្កាត់ឃ្មួញ ខណ្ឌសែនសុខ ជាបក្ខពួកជនសង្ស័យឈ្មោះ គង់ ពេជ្រ (ពេជ្រតូច) , ឈ្មោះ សំ សំណាង(ណាង) , ឈ្មោះ ម៉ែង កែវពេជ្រ(ពេជ្រធំ) និងឈ្មោះ សុខៃ ពិសី) ។
បច្ចុប្បន្ននេះ ជនសង្ស័យកំពុងឃាត់ខ្លួននៅអធិការដ្ឋាននគរបាលខណ្ឌសែនសុខ ដើម្បីអនុវត្តន៍តាមនីតិវិធីច្បាប់៕ ដោយ ៖ ភារ៉ា និងប៊ុនធី
