រាជធានីភ្នំពេញ៖គិតមកដល់ពេល នេះក្រសួងការពារជាតិ បានសម្រេចជោគជ័យក្នុងការចាក់វ៉ាក់សាំងការពារកូវីដ១៩ ជូនកងទ័ព,គ្រួសារកងទ័ព និងប្រជាពលរដ្ឋ បានជិត៩៨ម៉ឺននាក់ ក្នុងនោះតំបន់ក្រហមជិត៦៨ម៉ឺននាក់។

បើយោងតាម របាយការណ៍ក្រសួងការពារជាតិកម្ពុជាចេញផ្សាយនៅថ្ងៃទី១៥ ខែឧសភា ឆ្នាំ២០២១នេះ បានឲ្យដឹងថា ការចាក់វ៉ាក់សាំងការពារជំងឺកូវីដ១៩ លើកទី១ ជូនកងទ័ព, គ្រួសារកងទ័ព និងប្រជាពលរដ្ឋ បានចំនួនសរុប ៩៧៨,៧៩៧នាក់ ក្នុងនោះចាក់នៅតំបន់ក្រហមបានចំនួន ៦៧៩,៣៨២នាក់ ខណៈចាក់លើកទី២ បានចំនួន ២៧៥,៩៣៤នាក់។ (សូមមើលខ្លឹមសារតារាងបញ្ជីបូកសរុបការចាក់វ៉ាក់សាំងបង្ការជំងឺកូវីដ១៩)