កាណាដាអនុញ្ញាតអោយចាក់វ៉ាក់សាំងបង្ការជំងឺ Covid-19 លាយចម្រុះគ្នាបាន
កាណាដា៖ ទីភ្នាក់ងារសុខភាពកាណាដានៅថ្ងៃអង្គារនេះបញ្ជាក់ថា កាណាដាបានសម្រេចផ្លាស់ប្តូរសេចក្តីណែនាំរបស់ខ្លួន ស្តីពីការចាក់វ៉ាក់បង្ការជំងឺកូវីដ១៩លាយចម្រុះគ្នា ដោយប្រជាជនកាណាដាដែលបានចាក់វ៉ាក់សាំងដូសទី១នូវវ៉ាក់សាំងមួយប្រភេទ អាចចាក់វ៉ាក់សាំងផ្សេងបានសម្រាប់ដូសទី២ ។
ទីភ្នាក់ងារសុខភាពសាធារណៈកាណាដានិយាយថា ប្រជាជនដែលបានចាក់វ៉ាក់សាំង AstraZeneca ដូសទី១ អាចចាក់វ៉ាក់សាំង Pfizer ឬ Moderna ដូសទី២បាន ។ ប្រជាជនដែលបានចាក់វ៉ាក់សាំងមួយក្នុងចំណោមវ៉ាក់សាំង mRNA ទាំងពីរគឺ Pfizer ឬ Moderna អាចចាក់វ៉ាក់សាំងផ្សេងគ្នាណាមួយក្នុងចំណោមទាំងពីរសម្រាប់ដូសទី២បាន ។
យោងតាមទិន្នន័យរបស់ប្រទេសកាណាដាបានអោយដឹងថា គិតត្រឹមសប្តាហ៍ចុងក្រោយនៃខែឧសភាកន្លងទៅនេះ ប្រជាជនកាណាដា១៣លាននាក់បានចាក់វ៉ាក់សាំងហោចណាស់បាន១ដូសរបស់ Pfizer ស្របពេលដែល៣.៥លាននាក់បានចាក់វ៉ាក់សាំង Moderna និងជិត២លាននាក់ទៀតបានចាក់វ៉ាក់សាំង AstraZeneca ៕ ប្រភព៖ CNN
