ក្លិប PSG បាននាំយកបម្រើប្រយុទ្ធម្នាក់ពី Liverpool ដោយផ្តល់កិច្ចសន្យា រយៈពេល៣ឆ្នាំ
(ប៉ារីស)៖ ក្លឹប Paris Saint-Germain បាននាំយកខ្សែបម្រើប្រយុទ្ធ Georginio Wijnaldum ក្នុងកិច្ចសន្យារយៈពេល៣ឆ្នាំ បន្ទាប់ពីកីឡាកររូបនេះ ចប់កិច្ចសន្យា ជាមួយក្លិបនៅអង់គ្លេស ហង្សក្រហម Liverpool រយៈពេល៥ឆ្នាំ ។ នេះបើតាមការចុះផ្សាយរបស់ BBC Sport នៅថ្ងៃនេះ ។
ក្នុងរយៈពេល ៥ឆ្នាំនៅ នៅទឺកដី Anfield ជាមួយ Liverpool កីឡាករ Georginio Wijnaldum សញ្ជាតិហូឡង់ វ័យ ៣០ឆ្នាំ រួមចំណែកជួយក្លឹបឈ្នះពាន Premier League និង UEFA Champions League ។ Wijnaldum បាននិយាយថា «ខ្ញុំបានចូលរួមជាមួយក្លិបដ៏ធំបំផុតមួយនៅអឺរ៉ុប ហើយខ្ញុំចង់នាំយកអ្វីៗដែលខ្ញុំមាន និងការប្តេជ្ញាចិត្ត ដើម្បីសម្រេចគោលដៅក្នុងក្លិបនេះ»។
សូមរំលឹកថា Wijnaldum បានផ្លាស់ពីក្លិបរួម Premier League, Newcastle United ក្រោមតម្លៃផ្ទេរ ២៥លានផោនកាលពីឆ្នាំ២០១៦ ដើម្បីមកចូលរួមជាមួយ Liverpool មុន Paris ចុះកិច្ចសន្យារយៈពេល ៣ឆ្នាំលេងនៅ Parc des Princes ដោយមិនអស់ថ្លៃទិញ ៕