សាកលវិទ្យាល័យជាតិគ្រប់គ្រងរបស់កម្ពុជា បានជាប់ចំណាត់ថ្នាក់ក្នុងលំដាប់សកលវិទ្យាល័យឆ្នើមទាំង៥០ ក្នុងពិភពលោកប្រចាំឆ្នាំ២០២១។ ក្រសួងអប់រំ នៅថ្ងៃទី១៥មិថុនាឆ្នាំ២០២១ បានឲ្យដឹងថា គណៈកម្មការសម្ព័ន្ធ សកលវិទ្យាល័យពិភពលោកដែលជាអ្នករៀបចំការវាយតម្លៃប្រចាំឆ្នាំនៃចំណាត់ថ្នាក់សាកលវិទ្យាល័យកម្រិត ពិភពលោក The World’s Universities Ranking with Real Impact 2021 បានប្រកាសផ្តល់ចំណាត់ថា្នក់សាកល វិទ្យាល័យជាតិគ្រប់គ្រងរបស់ប្រទេសកម្ពុជាចូលក្នុងលំដាប់៥០ Top 50 University Ranking លើកម្មវិធីសិក្សា ៣ ប្រភេទដែលសម្រេចបាននូវនវានុវត្តឆ្នើម។

ការវាយតម្លៃនេះគឺ ទី១ គឺទៅលើកម្មវិធីសិក្សាសហគ្រិនភាព Entrepreneurial Spirit ដែលសាកលវិទ្យាល័យជាតិគ្រប់គ្រង ជាប់ចំណាត់ថ្នាក់ទី២៦ក្នុងចំណោម៥០, ទី២ លើកម្មវិធីសិក្សាបណ្តុះតម្លៃសីលធម៌សង្គម Ethical Value ដែលជាប់ចំណាត់ថ្នាក់ទី៣៧ និងលើកម្មវិធីគ្រប់គ្រង ក្នុងពេលមានវិបត្តិ Crisis Management ដែលសាកលវិទ្យាល័យជាតិគ្រប់គ្រង បានជាប់ចំណាត់ថ្នាក់ទី៣៣ ក្នុងចំណោមសកលវិទ្យាល័យល្បីៗលើពិភពលោក។