វៀតណាមឡើងបន្តក្នុងជុំទី៣ ជម្រុះWorld Cup លើកដំបូងក្នុងប្រវត្ថិសាស្ត្រ
ក្នុងតំបន់អាស៊ាន មានតែប្រទេសវៀតណាមួយគត់ដែលត្រូវឡើងទៅប្រកួតក្នុងជុំបន្ទាប់ ជម្រុះ World Cup 2022 Qatar ជាការបន្តឡើងក្នុងជុំនេះ លើកដំបូងក្នុងប្រវត្ថិសាស្ត្រវៀតណាម។
ប្រកួតជម្រុះព្រឹត្តិការណ៍បាល់ទាត់ពិភពលោកនៅប្រទេសកាតាជុំទី២ បានបញ្ចប់ហើយ កាលពីយប់ថ្ងៃទី១៥ មិថុនា ម្សិលមិញ ក្នុងនោះ រកឃើញក្រុមឡើងទៅកាន់ជុំទី៣ រួចរាល់ហើយដែរ។ សម្រាប់តំបន់អាស៊ាន វៀតណាម គឺជាប្រទេសមួយគត់បានឡើងទៅដែរ។
សម្រាប់នៅអាស៊ី ប្រទេសដែលបានចំណាត់ថ្នាក់លេខ១នៅតាមពូលដែលបានឡើងគឺមាន ស៊ីរី, អូស្រ្តាលី, អ៊ីរ៉ង់, អារ៉ាប់ប៊ីសាអូឌីត, កាតា, ជប៉ុន, UAE (អារ៉ាប់រួម) និង កូរ៉េខាងត្បូង។ ចំណែកក្រុមលេខ២ល្អដែលបានឡើងទៅជុំទី៣ដែរនោះមាន ចិន, អូម៉ង់, អ៊ីរ៉ាក់, វៀតណាម និង លេបាណុន។
វៀតណាមបានឆ្លងកាត់ការប្រកួត៨លើក ចាញ់តែមួយលើកប៉ុណ្ណោះក្នុងពូល G ៕
