ខេត្តមណ្ឌលគិរី បានចាប់ផ្តើមអនុវត្តវិធានការបិទខ្ទប់តាមកន្លែងមួយចំនួនហើយក្រោយមានសេចក្តីរាយការណ៍ ជុំវិញការផ្ទុះឆ្លងខ្លាំងនៃជម្ងឺកូវីដ១៩។ សេចក្តីរាយការណ៍បានបង្ហាញថា នៅក្នុងខេត្តភាគឥសាននោះ មានមនុស្សយ៉ាងហោច៣១នាក់ ត្រូវបានគេរកឃើញឆ្លងជម្ងឺកូវិដ១៩ជាបន្តបន្ទាប់ និងក៏មានករណី មនុស្សស្លាប់ ផងទៀត។ អាជ្ញាធរខេត្តកំពុងធ្វើការស្រាវជ្រាវជាបន្តបន្ទាប់ទៀត ដើម្បីរកអ្នកពាក់ព័ន្ធដើម្បីការ យកសំណាក និងការដាក់ចេញវិធានការនានាក្នុងការងារបង្ការទប់ស្កាត់ ការឆ្លងរាលដាលចូលក្នុងសហគមន៍ ។