អ្នកដែលដែលធ្លាប់បានទៅ ធនាគារអេស៊ីលីដាសាខាពោធិ៍ចិនតុង ត្រូវប្រញាប់ធ្វើចត្តាឡីស័ក និងតាមដានសុខភាព។ ធនាគារអេស៊ីលីដាសាខាពោធិ៍ចិនតុង មានទីតាំងស្ថិតនៅផ្លូវសហព័ន្ទរុស្សី  សង្កាត់អូរបែកក្អម, ខណ្ឌសែនសុខ រាជធានីភ្នំពេញ។

អនុគណៈកម្មការស្រាវជ្រាវជំងឺកូវីដ-១៩ បានជូនដំណឹង ថាមានអ្នកជំងឺកូវីដ-១៩ បានចូលទៅប្រើប្រាស់សេវានៅទីតាំងធនាគារអេស៊ីលីដាសាខាពោធិ៍ចិនតុងនេះ ហើយបានប៉ះពាល់មនុស្សជាច្រើនអ្នកផងដែរ។

អនុគណៈកម្មការស្រាវជ្រាវជំងឺកូវីដ-១៩ បានអំពាវនាវដល់ ប្រជាពលរដ្ឋ ដែលធ្លាប់បានទៅទីកន្លែងនិងពេលវេលានោះ ត្រូវដាក់ខ្លួន ដាច់ដោយឡែក និងយកចិត្តទុកដាក់ តាមដានសុខ ភាពរបស់ខ្លួនរយៈពេល ១៤ ថ្ងៃ។