ព្រឹត្តិការណ៍ថ្ងៃ៥និង៦កក្កដាឆ្នាំ១៩៩៧ បានកន្លងហួសប្រមាណ២៤ឆ្នាំមកហើយ។ មនុស្សមួយចំនួនស្ទើរតែ ចង់ភ្លេចនូវព្រឹត្តិការណ៍បង្ហូរឈាមកណ្តាលរាជធានីភ្នំពេញនោះទៅហើយ គ្រាដែលអ្នកដទៃទៀត បានព្យាយាម ចង់កែកាឡៃព្រឹត្តិការណ៍ជាប្រវត្តិសាស្ត្រនេះ ធ្វើជារឿងផ្សេងដើម្បីផលប្រយោជន៍នយោបាយ។ ប្រមាណ២៤ឆ្នាំ មុននេះ កម្ពុជាមិនទាន់មានសន្តិភាពពេញលេញនោះទេ។

កម្លាំងប្រដាប់អាវុធខ្មែរក្រហម បានចូលមកបង្កប់ នៅរាជធានីដើម្បីការគ្រោងវាយផ្តាច់ព្រ័តនៅកណ្តាលរាជធានីភ្នំពេញ។ សាក្សីនិយាយថាកម្លាំងខ្មែរក្រហមដែល បានចូលមកបង្កប់ក្នុងរាជធានីនាពេលនោះ គឺបានធ្វើតាមរយៈអតីតឧត្តមសេនីយ៍ ញឹក ប៊ុនឆៃ, អតីតឧត្តមសេនីយ៍ ឡាយ វីរៈ, និងលោកឧត្តមសេនីយ៍ សេរី កុសល នោះផងដែរ។

ពេលនោះបើគ្មានការចាត់វិធានការដ៏ត្រឹម ត្រូវនិងទាន់ពេលវេលាពីសម្តេចតេជោ ហ៊ុន សែន ក្នុងការរាំងស្កាត់នោះទេ កម្ពុជាមិនអាចមានសន្តិភាព និងការរីក ចំរើនដូចសព្វថ្ងៃនេះបាននោះឡើយ។