លោក ហោ សេរីវឌ្ឍន៍ ប្រធានយុវជនក្រៅប្រព័ន្ធ នៃយុវជនគណបក្សប្រជាជនកម្ពុជាថ្នាក់កណ្តាល តំណាងឲ្យលោកហ៊ុន ម៉ាណែត ប្រធានយុវជនគណបក្សប្រជាជនកម្ពុជាថ្នាក់កណ្តាល នៅថ្ងៃទី៩កក្កដាឆ្នាំ២០២១ បានទទួលម៉ាស់ចំនួន ៥ម៉ឺនម៉ាស ដែលជាការបរិច្ចាគរបស់លោក Jackie Chan តារាសម្តែងហុងកុងដែលគេស្គាល់ថា ឈិនឡុង ដើម្បីចាត់ចែងបន្តដល់ប្រជាពលរដ្ឋដែលត្រូវការចាំបាច់ក្នុងយុទ្ធនាការប្រយុទ្ធប្រឆាំងជម្ងឺកូវីដ-១៩។ ម៉ាស់ទាំងនោះ ត្រូវបានប្រគល់ជូនក្រុមការងារតាមរយៈ ស្ថានទូតចិននៅកម្ពុជា ដែលតំណាងដោយលោក Winston Wang។