កូវីដ៖ ថៃអនុម័តការចាយថវិការ ១.២៩ពាន់លានដុល្លារ ទប់នឹងការបិទខ្ទប់ជាថ្មី
គណៈរដ្ឋមន្ត្រីថៃ នាថ្ងៃទី១៣ កក្កដា ២០២១នេះ បានអនុម័តកញ្ចប់ថវិការចំណាយ ៤២ពាន់លានបាត ឬ ១.២៩ពាន់លានដុល្លារអាមេរិក សម្រាប់វិធានការសង្គ្រោះ ជួយដល់អ្នកធ្វើការនិងអ្នកប្រកបរបររកស៊ី ដែលរងផលប៉ះពាល់ដោយសារតែការរឹតត្បឹតខ្លាំងចុងក្រោយនេះ ខណៈដែលថៃកំពុងជួបញ្ហារាតត្បាតជំងឺកូវីដ១៩ ធ្ងន់ធ្ងរ។
វិធានការទាំងនោះរួមមានទាំងការផ្តល់សំណងជូនសហគ្រិន និងការទូទាត់ថ្លៃទឹក ថ្លៃភ្លើងទៀតផង នេះបើតាមអ្នកនាំពាក្យរាជរដ្ឋាភិបាលបញ្ជាក់ តាមរយៈសេចក្តីថ្លែងការណ៍របស់ខ្លួន។
គូរបញ្ជាក់ថា ការបិទខ្ទប់បានចាប់ផ្តើមកាលពីថ្ងៃចន្ទ ទី១២ កក្កដា ក្នុងរាធានីបាងកក និងបណ្តាខេត្តចំនួន៩ទៀត៕ ប្រភពពី CNA
លន់ សារ៉ាត
ខ្ញុំបាទ លន់ សារ៉ាត ជាពិធីករអានព័ត៌មាន និងជាពិធីករសម្របសម្រួលកម្មវិធីផ្សេងៗ និងសរសេរព័ត៌មានអន្តរជាតិ
