ផ្សារបឹងកេងកងក្នុងខណ្ឌបឹងកេងកង បានចាប់បើកទ្វារវិញនៅថ្ងៃនេះ ទន្ទឹមនឹងផ្សារកណ្តាលនៃខណ្ឌដូនពេញ ក្នុងរាជធានីត្រូវបានបិទបណ្តោះអាសន្នវិញ ក្រោយការរកឃើញការឆ្លងកូវីដ១៩ថ្មីលើមនុស្ស១៧នាក់ដែលជា អាជីវករនិងគណៈកម្មការផ្សារ។ ទិដ្ឋភាពផ្សារបឹងកេងកងនៅថ្ងៃបើកដំបូងនេះ មិនសូវមានមនុស្សចេញចូលទេ, ចំណែកទិដ្ឋភាពនៅផ្សារកណ្តាលនោះវិញ, ការយកសំណាកលើក្រុមអាជីវករនិងមនុស្សពាក់ព័ន្ធនៅតែបន្តធ្វើ ទន្ទឹមនឹងផ្សារទាំងមូលត្រូវបានបិទទ្វារបណ្តោះអាសន្នចាប់ពីថ្ងៃទី១៣កក្កដានេះទៅ។