ខេត្តកំពង់ឆ្នាំង បានបន្តរកឃើញអ្នកឆ្លងជំងឺកូវីដ១៩ថ្មី ចំនួន ១៩នាក់ និងអ្នកស្លាប់ថ្មីម្នាក់ថែមទៀត ក្នុងរយៈ ពេល ២៤ម៉ោងចុងក្រោយនេះ ។

យោងតាមរដ្ឋបាលខេត្តអ្នកជំងឺកូវីដ១៩ថ្មីនៅថ្ងៃនេះ គឺជាពលរដ្ឋរស់នៅ ក្នុង ក្រុងកំពង់ឆ្នាំង១០នាក់, ស្រុកកំពង់ត្រឡាចម្នាក់, ស្រុកជលគិរី៣នាក់, ស្រុកទឹកផុសម្នាក់ និងស្រុករលាប្អៀរ ៤នាក់ ។ ចំណែកអ្នកស្លាប់ថ្មីម្នាក់នោះវិញ គឺជាស្រ្តីអាយុ ៣៥ឆ្នាំ ជាអ្នកស្រុករលាប្អៀរ ។

ខេត្តកំពង់ឆ្នាំង គិតត្រឹម ថ្ងៃនេះ មានអ្នកឆ្លងជំងឺកូវីដ១៩សរុបចំនួន ១ពាន់ ៣៣២នាក់ ក្នុងចំណោមនោះ អ្នកកំពុងទទួលការព្យាបាល ចំនួន ៥៩៤នាក់ និងមានអ្នកស្លាប់កើនដល់ចំនួន ២៣នាក់៕