ជប៉ុនផ្តើមឆ្លងកូវីដ ក្នុងតំបន់កីឡាករនិងមន្ត្រីរាប់ម៉ឺននាក់នឹងស្នាក់ ក្នុងព្រឹត្តិការណ៍អូឡាំពិកតូក្យូហើយ
ក្រុមអ្នករៀបចំព្រឹត្តិការណ៍កីឡាអូឡាំពិកតូក្យូ (Tokyo 2020 Games ) បានបង្ហាញពីករណីកូវីដ១៩ ដំបូងក្នុងតំបន់ដែលត្រូវរៀបចំការប្រកួត នាថ្ងៃទី១៧ កក្កដា ២០២១នេះ ខណៈដែលពូកគេព្យាយាមឲ្យក្រុមកីឡាករទាំងអស់ចូលរួមព្រឹត្តិការណ៍កីឡាដែលធ្លាប់ត្រូវបានពន្យាពេល ហើយនឹងរៀបចំនាពេលខាងមុខនេះវិញ មានសុវត្ថិភាព នេះបើតាមការចេញផ្សាយរបស់ CNA ។
ប្រភពបន្តថា ៦ថ្ងៃមុនពេលមានពិធីបើកជាផ្លូវការ អ្នករៀបចំព្រឹត្តិការណ៍នេះបាននិយាយថា មនុស្សមនុស្សម្នាក់បានឆ្លងជំងឺនេះ ហើយតំបន់ដែលអ្នកឆ្លងមិនត្រូវបានបញ្ចេញឈ្មោះនេះ គឺជាទីតាំងដែលនឹងមានក្រុមកីឡាករនិងមន្ត្រីរាប់ម៉ឺននាក់ស្នាក់នៅ ក្នុងពេលប្រកួតកីឡាដ៏ធំនេះ។
សូមបញ្ជាក់ថា តាមការកំណត់ ពិធីបើកនៃការប្រកួតកីឡាអូឡាំពិកក្រុងតូក្យូនឹងប្រារព្ធធ្វើនៅថ្ងៃទី ២៣ ខែកក្កដាខាងមុខនេះ នៅកីឡដ្ឋានជាតិក្រុងតូក្យូ ។ Tokyo 2020 Games ត្រូវបានគេដឹងថា នឹងមានកីឡាករ កីឡាការិនី មកពីប្រមាណជាង២០០ប្រទេសចូលរួមប្រកួត រហូតដល់ថ្ងៃទី៨ សីហា៕