អាមេរិក៖ ដូចតាមការគ្រោងទុក កំពូលមហាសេដ្ឋីលំដាប់លេខ១លើពិភពលោក គឺលោក Jeff Bezos និង មនុស្សចំនួន០៣នាក់ផ្សេងទៀតបានត្រលប់មកកាន់ផែនដីវិញដោយជោគជ័យ បន្ទាប់ពីបញ្ចប់ការហោះហើរទៅកាន់ទីអវកាស តាមរយ:គ្រាប់រុ៉ក្តែត New Shepard របស់ក្រុមហ៊ុនអវកាស Blue Origin ដែលជារបស់លោក Bezos ផ្ទាល់ នៅថ្ងៃអង្គារនេះ ។

នៅវេលាម៉ោងប្រមាណ៩៖១២នាទីម៉ោងនៅភាគខាងកើត គ្រាប់រ៉ុក្កែត New Shepard ដែលត្រូវបានបង្កើតឡើងដោយក្រុមហ៊ុនអវកាស Blue Origin បានដឹកកំពូលមហាសេដ្ឋីរូបនេះទៅកាន់ទីអវកាស ហើយបានចុះចតវិញយ៉ាងជោគជ័យ ។ ការហោះហើរនេះ មានរយៈពេលតែ ១០នាទី និង១០វិនាទីប៉ុណ្ណោះ បន្ទាប់គ្រាប់រ៉ុក្កែតបានបាញ់បង្ហោះចូលក្នុងលំហអាកាស ។ ក្រៅពីលោក Jeff Bezos នៅលើយាន្តអវកាសនោះ គឺមានប្អូនប្រុសរបស់លោកគឺលោក Mark និងលោក Wally Funk វ័យ ៨២ឆ្នាំជាអ្នកត្រួសត្រាយអាកាសចរណ៍ ព្រមទាំងលោក Oliver Daemen អាយុ ១៨ឆ្នាំជានិស្សិតមកពីប្រទេសហូឡង់ផងដែរ។

សូមជម្រាបថា ការហោះហើរនេះ បើទោះបីជាវាមិនបានចូលទៅក្នុងគន្លងគោចរ ប៉ុន្តែជាព្រឹត្តិការណ៍ដ៏សំខាន់មួយសម្រាប់ក្រុមហ៊ុនរបស់លោក Bezos ដែលជាស្ថាបនិកក្រុមហ៊ុន Amazon បានចាប់ផ្តើមបង្កើតឡើងកាលពីជាង២០ឆ្នាំមុន ហើយដែលជាលើកដំបូងដែលក្រុមហ៊ុន Blue Origin ដឹកមនុស្សទៅទីអវកាស ៕ ប្រភព: Reuters