កាលពីថ្ងៃអង្គារ ទី២០ កក្កដា ២០២១ ភ្លៀងធ្លាក់ខ្លាំងបានបណ្តាលឱ្យមានទឹកជំនន់ដ៏ធំនៅក្នុងផ្នែកជាច្រើន ស្ថិតនៅភាគកណ្តាលប្រទេសចិន ដោយបានបង្ខំឱ្យពលរដ្ឋភៀសខ្លួនចេញពីផ្ទះសម្បែង និងបានជន់លិចចំណតដឹកជញ្ជូនសាធារណៈ  ព្រមទាំងផ្លូវថ្នល់នានា។

ពលរដ្ឋជាង ១ម៉ឺននាក់នៅខេត្ត​ Henan​ត្រូវបានជម្លៀសទៅកាន់ជម្រកសុវត្ថិភាពបន្ទាប់ពីមានភ្លៀងធ្លាក់ខ្លាំង។អាជ្ញាធរបានបញ្ជាក់ថា  មនុស្សយ៉ាងហោចណាស់  ១២នាក់បានស្លាប់នៅក្នុងទីក្រុង​Zhengzhou​ ចាប់តាំងពីទឹកជំនន់បានចាប់ផ្តើមមក។ ទីក្រុងជាច្រើនបានរងផលប៉ះពាល់ដោយផ្លូវសំខាន់ៗត្រូវបានបង្ខំឱ្យបិទចរាចរណ៍  ហើយជើងហោះហើរជាច្រើនត្រូវបានលុបចោល។ខេត្ត​ Henan​ ដែលមានពលរដ្ឋប្រមាណ ៩៤លាននាក់បានចេញការព្រមានពីអាកាសធាតុក្នុងកម្រិតខ្ពស់បំផុតបន្ទាប់ពីមានភ្លៀងធ្លាក់ខ្លាំងខុសពីធម្មតា៕

​