រាជធានីភ្នំពេញ៖គណៈកម្មាធិការជាតិរៀបចំការបោះឆ្នោត (គ.ជ.ប)បានឱ្យដឹងថាគ.ជ.ប នឹងប្រកាសផ្សាយលទ្ធផលផ្លូវការនៃការបោះឆ្នោតលើកទី១ ជ្រើសរើសក្រុមប្រឹក្សាក្រុងបូកគោ នៃខេត្តកំពត នៅថ្ងៃទី១ ខែសីហា ឆ្នាំ២០២១។

           យោងតាមសេចក្តីប្រកាសព័ត៌មានរបស់អគ្គលេខាធិការដ្ឋាននៃគណៈកម្មាធិការជាតិរៀបចំការបោះឆ្នោត (គ.ជ.ប) បានបញ្ជាក់ថា ក្រោយរយៈពេល ៣ (បី) ថ្ងៃ បន្ទាប់ពីថ្ងៃដែលគណៈកម្មការរៀបចំការបោះឆ្នោត ខេត្តកំពត បានបិទផ្សាយលទ្ធផល បណ្តោះអាសន្ននៃការបោះឆ្នោតលើកទី១ ជ្រើសរើសក្រុមប្រឹក្សាក្រុងបូកគោ នៃខេត្តកំពត គ.ជ.ប ពុំបានទទួលពាក្យបណ្ដឹងតវ៉ា ឬពាក្យបណ្តឹងជំទាស់ណាមួយពាក់ព័ន្ធនឹងលទ្ធផលបណ្តោះអាសន្ន នេះទេ ។

យោងបទបញ្ញា និងនីតិវិធីនៃការបោះឆ្នោត ក្នុងករណ៏ពុំមានការប្តឹងតវា ឬ/និងការប្តឹង ជំទាស់នឹងលទ្ធផលបណ្តោះអាសន្ននៃការបោះឆ្នោត ហើយបន្ទាប់ពីក្រុមត្រួតពិនិត្យលទ្ធផលន គ.ជ.ប បានពិនិត្យ និងផ្ទៀងផ្ទាត់លទ្ធផលបានត្រឹមត្រូវរួចហើយ លទ្ធផលបណ្តោះអាសន្ននឹង ត្រូវក្លាយជាលទ្ធផលផ្លូវការ ។ ដូច្នេះ គ.ជ.ប នឹងប្រកាសផ្សាយលទ្ធផលផ្លូវការនៃការបោះឆ្នោតនេះ ជូនដល់សាធារណជន និងភាគីពាក់ព័ន្ធទាំងអស់នៅថ្ងៃទី១ ខែសីហា ឆ្នាំ២០២១ តាមប្រព័ន្ធ ផ្សព្វផ្សាយដូចខាងក្រោម៖ទូរទស្សន៍ជាតិកម្ពុជា,វិទ្យុជាតិកម្ពុជា,ទីភ្នាក់ងារសារព័ត៌មានកម្ពុជា AKP,គេហទំព័រ គ.ជប www.nec.gov.kh

,Facebook Page: គណៈកម្មាធិការជាតិរៀបចំការបោះឆ្នោត National ElectionCommittee

Channel Youtube គ.ជ.ប៕ដោយ៖ម៉ាដេប៉ូ