យោងតាមក្រសួងសុខាភិបាលនៅថ្ងៃទី៩សីហាឆ្នាំ២០២១ បានឲ្យដឹងថា នៅថ្ងៃ៨សីហាឆ្នាំ២០២១ គេបានរកឃើញអ្នកវិជ្ជមានកូវីដ-១៩ចំនួន៥០៨នាក់ ដែលក្នុងនោះអ្នកដំណើរមកពីបរទេសចំនួន១២១នាក់ និងករណីឆ្លងសហគមន៍៣៨៧នាក់។ ជាមួយគ្នានេះ ក្រសួងសុខាភិបាលប្រកាសថា នៅថ្ងៃ៨សីហា មានអ្នកជាសះស្បើយពីជំងឺកូវីដ-១៩ ចំនួន៦៦០នាក់ និងមានអ្នកស្លាប់២៣នាក់។ យោងតាមរបាយការណ៍របស់ក្រសួងសុខាភិបាល គិតមកដល់ថ្ងៃទី៨សីហាឆ្នាំ២០២១ កម្ពុជាមានអ្នកឆ្លងជំងឺកូវីដ-១៩ ចំនួន៨ម៉ឺន២ពាន់៣៩៩នាក់ ក្នុងនោះបានព្យាបាលជាសះស្បើយចំនួន៧ម៉ឺន៦ពាន់១៥៥នាក់ និងអ្នកស្លាប់ដោយសារជំងឺកូវីដ-១៩ចំនួន១ពាន់៥៨៥នាក់ហើយ។