ចាប់គ្រឿងញៀន១៥គីឡូ និងជនសង្ស័យ៤នាក់ (Video Inside)
គ្រឿងញៀនជាង១៥គីឡូក្រាម និងជនសង្ស័យបរទេសចំនួន៤នាក់ត្រូវបានសមត្ថកិច្ចបង្ក្រាបបាន នៅទីតាំង ២ផ្សេងគ្នានៅក្នុងរាជធានីភ្នំពេញ និងខេត្តបន្ទាយមានជ័យ។
ការបង្ក្រាបលើកទី១ បានធ្វើកាលពីទី១៩ខែសីហា ក្នុងពេលដែលក្រុមជំនាញបានត្រួតពិនិត្យកញ្ចប់បញ្ញើមិនប្រក្រតី ដែលផ្ញើពីប្រទេសអាហ្វ្រិកខាងត្បូង ចូលមក កម្ពុជា តាមរយ:ក្រុមហ៊ុន DHL។ សមត្ថកិច្ចបានរកឃើញមានបង្កប់លាក់សារធាតុញៀនប្រភេទ កេតាមីន ក្នុងដបជរ័ពណ៌ស ចំនួន ៦០ដប ដែលមានទម្ងន់សារុប១០គីឡូក្រាម។
ការបង្ក្រាបលើកទី២ បានធ្វើកាលពីថ្ងៃទី ២៥ ខែសីហា នៅក្នុងក្រុងប៉ោយប៉ែត ខេត្តបន្ទាយមានជ័យ ដោយឃាត់ខ្លួនជនសង្ស័យជាតិចិនចំនួន៤នាក់។ សមត្ថកិច្ចបានរកឃើញសារធាតុញៀនកេតាមីន៦០ដប ទម្ងន់ជាង៥ គីឡូក្រាម៕
