កែប ៖ នៅរសៀលថ្ងៃទី៤ ខែកញ្ញា ឆ្នាំ២០២១នេះ ឯកឧត្តមកិត្តិសេដ្ឋាបណ្ឌិត ចម ប្រសិទ្ធ ទេសរដ្ឋមន្ត្រី រដ្ឋមន្ត្រីក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ បានអញ្ជើញជួបសំណេះសំណាលសួរសុខទុក្ខនិងនាំយកអំណោយផ្តល់ជូនប្រជាពលរដ្ឋជួបការលំបាក ចំនួន ១០០គ្រួសារ នៅក្នុងស្រុកដំណាក់ចង្អើរ ខេត្តកែប ។

មានប្រសាសន៍ជួបសំណេះសំណាល ឯកឧត្តមកិត្តិសេដ្ឋាបណ្ឌិត ចម ប្រសិទ្ធ បានលើកឡើងថា នៅគ្រប់កាលៈទេសៈទាំងអស់ រាជរដ្ឋាភិបាលក្រោមការដឹកនាំប្រកបដោយកិត្តិបណ្ឌិតរបស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជណាចក្រកម្ពុជា ជានិច្ចកាល សម្ដេច តែងតែគិតគូរដល់សុខទុក្ខ និងការលំបាករបស់បងប្អូនប្រជាពលរដ្ឋ ពិសេសក្នុងដំណាក់កាលដែលបងប្អូនទាំងអស់កំពុងជួបនូវវិបត្តិសេដ្ឋកិច្ចគ្រួសារ ដោយសារបញ្ហាជំងឺកូវីដ-១៩ សម្តេច តែងតែបានឧបត្ថម្ភគ្រប់បែបយ៉ាង ជាក់ស្តែង ថ្ងៃនេះ បងប្អូនប្រជាពលរដ្ឋ ប្រមាណ ១០០គ្រួសារ ក្នុងស្រុកដំណាក់ចង្អើរ ដែលកំពុងជួបការលំបាកពិតប្រាកដ ដែលសុទ្ធសឹងស្ថិតក្នុងគ្រួសារក្រីក្រកម្រិត១ និងបានទទួលអំណោយ ជាសម្ភារៈ ថវិកា និងគ្រឿងឧបភោគបរិភោគ ដែលអំណោយទាំងនេះ គឺជាអំណោយរបស់រាជរដ្ឋាភិបាល តាមរយៈក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ ។

សូមបញ្ជាក់ថា អំណោយដែលបានផ្ដល់ជូនបងប្អូនប្រជាពលរដ្ឋនាពេលនេះ ដោយក្នុងមួយគ្រួសារៗទទួលបាន អង្ក២៥គីឡូ, មី ១កេស, ត្រីខ ១យួរ , ទឹកស៊ីវអីវ ១យួរ, ទឹកត្រី ១យូរ , ថ្នាំពេទ្យព្យាបាលបឋម ៥មុខ, ម៉ាស ១ប្រអប់ , អាល់កុល ១ដប់ , តែខ្ញីទឹកឃ្មុំ ១ប្រអប់, សាប៊ូដុះខ្លួន ១ដប, សាប៊ូកក់សក់ ១ដប និងថវិកា ៤ម៉ឺនរៀល ៕ Sila Sarin