អាហ្វ្រិកខាងកើតរំពឹងថាចិននឹងជួយក្នុងការកសាងផ្លូវដែកទំនើបក្នុងតំបន់របស់ខ្លួន ខណៈពេលដែលក្រុមអ្នកវិភាគបាននិយាយថា ចិនប្រហែលជាមិនមានចិត្តអាណិតអាសូរដូចលើកមុនទេចំពោះសំណើរនេះ
នៅឆ្នាំ២០១៨ ក្នុងអំឡុងពេលកិច្ចប្រជុំ FOCAC នៅទីក្រុង Beijing ក្រុមហ៊ុន China Eximbank បានផ្តល់មូលនិធិ ដល់ការសាងសង់ផ្លូវដែកស្តង់ដារទីមួយពីកំពង់ផែ Mombasa ទៅរដ្ឋធានី Nairobi ក្នុងទំហំទឹកប្រាក់ ៣.២ពាន់លានដុល្លារ ក្រោយមកគម្រោងក៏មានបញ្ហាជាប់គាំង។
ធនាគារបានស្នើឱ្យប្រទេស Kenya ធ្វើការសិក្សាឡើងវិញ ដើម្បីបញ្ជាក់ពីលទ្ធភាពពាណិជ្ជកម្មរបស់ខ្លួន មុនពេលសម្រេចបន្តផ្តល់ហិរញ្ញប្បទាន។
លោក Wu Peng អគ្គនាយកនៃនាយកដ្ឋានកិច្ចការអាហ្រ្វិកនៃក្រសួងការបរទេសចិន បាននិយាយថា៖ “ដោយសារវិបត្តិសេដ្ឋកិច្ចពិភពលោក ការវិនិយោគ និងការគាំទ្រផ្នែកហិរញ្ញវត្ថុសំរាប់គម្រោងហេដ្ឋារចនាសម្ព័ន្ធធំៗមួយចំនួននៅទ្វីបអាហ្វ្រិកត្រូវបានកាត់បន្ថយ”។
វិបត្តិកូវីដ១៩ក៏បានធ្វើឱ្យប្រទេសអាហ្វ្រិកជាច្រើន ធ្លាក់ក្នុងវិបត្តិបំណុល។
ប្រភព៖ SCMP