អ្នកប្រដាល់គុនខ្មែរកម្ពស់ ១,៨៥ កីឡាករ ឈឿន ល្វៃ បានព្រមប្រកួតជាមួយខ្លាចាស់ព្រុំ សំណាង គ្មានគូប្រកួត និងជាបេក្ខភាពជម្រើសជាតិគុនខ្មែរ ត្រៀមស៊ីហ្គេម នៅប្រទេសវៀតណាម កី នៅពាក់កណ្តាលខែកញ្ញា ឆ្នាំ២០២១នេះ ។

ឈឿន ល្វៃ អះអាងថា មូលហេតុយល់ព្រមប្រកួតជាមួយកីឡាករ ព្រុំ សំណាង ដែលមិនមែនជាប្រភេទទម្ងន់របស់ខ្លួន ដោយសារមានហេតុចំនួន២ គឺ១. ជួយឲ្យកីឡាករ ព្រុំ សំណាងទទួលបានប្រាក់កម្រៃដោះស្រាយជីវភាព ខណៈពេលបច្ចុប្បន្នគ្មានគូប្រកួត ។ និងទី២ ក្នុងគោលបំណងទទួលបានបទពិសោធន៍ ពីកីឡាកររៀមច្បង ដើម្បីអភិវឌ្ឍក្លាយជាកីឡាករដ៏មានសក្តានុពលនាពេលខាងមុខ ។

សូមបញ្ជាក់ថា កីឡាករ ឈឿន ល្វៃ ត្រៀមជួបជើងខ្លាំង២រូប នាពាក់កណ្តាលខែកញ្ញានេះ ទិ១កឺខ្លាចាស់ខ្សត់គូប្រកួត ព្រុំ សំណាង លើទម្ងន់៧៥គីឡូក្រាម និងកីឡាករ ថៃ រិទ្ធី អ្នកលេងគុនខ្មែរកណ្តាប់ដៃប៉េតុង លើប្រភេទទម្ងន់៧១គីឡូក្រាម ៕