មនុស្សចំនួន ១៥នាក់ដែលក្នុងនោះមានកុមារាវ័យ ៧ឆ្នាំម្នាក់ផងដែរ ត្រូវបានអាជ្ញាធរវៀតណាមរកឃើញនៅក្នុងទូរថយន្តក្លាស្សេ
អត្ថបទដោយ៖
AMS OneMinute
មនុស្សចំនួន ១៥នាក់ដែលក្នុងនោះមានកុមារាវ័យ ៧ឆ្នាំម្នាក់ផងដែរ ត្រូវបានអាជ្ញាធរវៀតណាមរកឃើញនៅក្នុងទូរថយន្តក្លាស្សេ បន្ទាប់ពីព្យាយាមគេចចេញពីភាគខាងត្បូងនៃប្រទេសវៀតណាម ដែលជំងឺកូវីដ១៩កំពុងផ្ទុះរាលដាលខ្លាំង។
រថយន្តនេះបានចេញពីខេត្ត Dong Nai ដែលជាតំបន់ឧស្សាហកម្មក្បែរទីក្រុងហូជីមិញ ក្នុងគោលបំណងឆ្ពោះទៅតំបន់ភាគកណ្ដាលនៃវៀតណាម។ លុះមកដល់ខេត្ត Binh Thuan ប៉ូលិសក៏មានការសង្ស័យ នៅពេលដែលរថយន្ដនេះព្យាយាមឆ្លងកាត់ប៉ុស្តិ៍ត្រួតពិនិត្យកូវីដ១៩ នៅតាមផ្លូវទៅកាន់ភាគខាងជើង។
អ្នកដំណើរក្នុងរថយន្ដមានអាការៈបែកញើស និងដកដង្ហើមខ្លី។
ខេត្ត Dong Nai មានអ្នកឆ្លងជំងឺកូវីដ១៩សរុប ៣៥ ០០០ករណី ជាមួយនឹងការស្លាប់ ៣២០ករណី និងកំពុងស្ថិតក្នុងការបិទខ្ទប់តាំងពីខែកក្កដាមកម្ល៉េះ។
ប្រភព៖ CNA