វៀតណាមបន្តស្លាប់មនុស្សព្រោះកូវីដ ១២៥នាក់ទៀត
ក្រសួងសុខាភិបាលវៀតណាម កាលពីថ្ងៃទី៧ តុលា ២០២១ បានរកឃើញករណីឆ្លងថ្មីៗ នៃជំងឺកូវីដ១៩ ចំនួន ៤,១៥០ករណីបន្ថែមទៀត ។
ក្នុងចំណោមករណីឆ្លងថ្មីៗខាងលើ មាន០៣ករណីប៉ុណ្ណោះជាករណីនាំចូល ក្រៅពីនោះសុទ្ធតែជាករណីឆ្លងក្នុងស្រុកទាំងអស់ ខណៈទីក្រុងហូជីមិញដែលជាចំណុចកណ្តាល នៃការផ្ទុះរីករាលនៃជំងឺនេះបានរ៉ាប់រងករណីឆ្លងថ្មីតែឯងរហូតដល់ ១,៧៣០នាក់។
ក្រសួងសុខាភិបាលវៀតណាមក៏បានប្រកាសពីករណីអ្នកស្លាប់ថ្មី ដោយសារជំងឺដ៏កាចសាហាវនេះទេចំនួន១២៥នាក់បន្ថែមទៀតផងដែរ។
គិតត្រឹមយប់ថ្ងៃទី០៧ខែតុលា ឆ្នាំ២០២១ វៀតណាមមានករណីឆ្លងកូវីដ-១៩ សរុបនៅទូទាំងប្រទេសចំនួន ៨២៦,៨៣៧នាក់ ក្នុងនោះអ្នកជំងឺជាសះស្បើយចំនួន ៧៥៨,៤៨៨នាក់ ចំណែកចំនួនអ្នកស្លាប់សរុបចំនួន ២០,២២៣នាក់៕
