យោងតាមរបាយការណ៍ ក្លឹបបានឲ្យដឹងថា MANCHESTER UNITED កំពុងពិចារណាលើការផ្លាស់ប្តូរ តារាវ័យជំទង់ Nathan Patterson ដែលមានតម្លៃ ១០ លានផោន ដើម្បីផ្តល់ការប្រកួតប្រជែងសម្រាប់ខ្សែការពារស្តាំ Aaron Wan-Bissaka ។

បិសាចក្រហម និងគូប្រជែង Everton គឺជាក្រុមពីរក្នុងចំណោមក្រុមជាង ១២ នៅទូទាំងទ្វីបអឺរ៉ុបដែលបានបង្ហាញការចាប់អារម្មណ៍លើកីឡាករវ័យ ១៩ ឆ្នាំ នេះបើយោងតាមគេហទំព័រ 90min.com ។ វេទិកាព័ត៌មានបាល់ទាត់បានបង្ហាញថាក្រុមបិសាចក្រហមនឹងធ្វើការផ្លាស់ប្តូរខ្សែការពារស្តាំថ្មីនៅខែមករា បន្ទាប់ពីខកខានគោលដៅ នារដូវក្តៅ។

គ្រូបង្វឹកក្រុមបិសាចក្រហមលោក Ole Gunnar Solskjaer ចង់បានការជ្រើសរើសថ្មីដើម្បី“ ប្រកួតប្រជែងកីឡាករវ័យ ២៣ ឆ្នាំជាជាងគ្រាន់តែយកមកជំនួស” ។
សូមបញ្ជាក់ថា Patterson បានចូលរួមជាមួយ Rangers ក្នុងឆ្នាំ ២០១៩ ដែលកិច្ចសន្យារហូតដល់ឆ្នាំ ២០២២ ៕