ភ្នំពេញ៖ កម្លាំងនៃអធិការដ្ឋាន នគរបាលខណ្ឌសែនសុខ បានបញ្ជូន ជនសង្ស័យ ចំនួន៦នាក់ ករណី ជួញដូរ ប្រើប្រាស់ រក្សាទុកគ្រឿងញៀន និងចាប់តាមដីកាទៅតុលាការ។ ការបញ្ជូនខ្លួនជនសង្ស័យទាំងនេះ គឺធ្វើឡើងនៅថ្ងៃ១៦ ខែមករា ឆ្នាំ២០២០ ។

យោងតាមរបាយការណ៍របស់នគរបាលជំនាញ ផ្នែកព្រហ្មទណ្ឌខណ្ឌសែនសុខ បានឲ្យដឹងថា  ជនសង្ស័យទាំង៦នាក់ខាងលើនេះ សមត្ថកិច្ចនគរបាលខណ្ឌសែនសុខ ធ្វើការបង្ក្រាបបាន ក្នុងមូលដ្ឋានកន្លងមក មានករណី  ជួញដូរ ប្រើប្រាស់រក្សាទុកគ្រឿងញៀន និង ចាប់តាមដីកា។

ជនសង្ស័យ ទាំង៦នាក់ខាងលើនេះ បានសារភាពថា ពិតជាជាប់ពាក់ព័ន្ធករណីខាងលើនេះ ពិតប្រាកដមែន។
ហើយត្រូវបានសមត្ថកិច្ចបញ្ចាប់នីតិវិធី សាកសួរ និងកសាងសំណុំរឿង ទៅតុលាការ៕ធ.ដ