ថៃរកឃើញករណីកូវីដ១៩ ថ្មីៗ ជិត៨ពាន់នាក់ ស្លាប់៦៦នាក់ទៀត
ក្រសួងសុខាភិបាលថៃបានប្រកាស នាព្រឹកថ្ងៃទី២៦ តុលា ២០២១នេះថា មានករណីវិជ្ជមានកូវីដ១៩ ចំនួន៧៧០៦នាក់ទៀត និងស្លាប់មនុស្ស៦៦នាក់ទៀត ក្នុងពេល២៤ម៉ោងចុងក្រោយមកនេះ។
ក្រៅពីនេះ ក៏មានមនុស្សជិត១ម៉ឺននាក់ទៀតត្រូវបានព្យាបាលឲ្យជាសះស្បើយ អនុញ្ញាតឲ្យចាកចេញពីមន្ទីរពេទ្យហើយដែរ អំឡុងពេលដូចគ្នានេះ។
ថៃមានករណីកូវីដ១៩ ដំបូង កាលពីដើមឆ្នាំ២០២០ ដោយមកទល់ពេលនេះ កើនដល់ ចំនួន១,៨៦៦,៨៦៣នាក់ហើយ ជាសះស្បើយ ១,៧៤៩,៨៤៨នាក់ ខណៈអ្នកស្លាប់កើនដល់ ១៨៨៦៥នាក់ហើយ៕
លន់ សារ៉ាត
ខ្ញុំបាទ លន់ សារ៉ាត ជាពិធីករអានព័ត៌មាន និងជាពិធីករសម្របសម្រួលកម្មវិធីផ្សេងៗ និងសរសេរព័ត៌មានអន្តរជាតិ