កូវីដ៖ ជប៉ុនគ្មានស្លាប់លើកដំបូង ក្នុងពេលជាង១ឆ្នាំ
ជប៉ុនពុំមានមនុស្សស្លាប់ព្រោះកូវីដ១៩ទេ កាលពីថ្ងៃទី៧ វិច្ឆិកា ដែលនេះគឺជាលើកដំបូងហើយដែលជប៉ុនគ្មានស្លាប់ប្រចាំថ្ងៃ ក្នុងរយៈពេល ១៥ខែមកនេះ។
បើតាមទីភ្នាក់ងារសារព័ត៌មាន NHK បានឲ្យដឹងថា ចាប់តាំងពីថ្ងៃទី២ សីហា ២០២០មក មានតែថ្ងៃទី៧ វិច្ឆិកា តែមួយគត់ដែលគ្មានមនុស្សស្លាប់ព្រោះជំងឺកូវីដ១៩។
ដោយឡែក កាលពីថ្ងៃទី៦ វិច្ឆិកា ជប៉ុនមានមនុស្សស្លាប់៣នាក់ ព្រោះកូវីដ។
ជាការកត់សម្គាល នៅជប៉ុន ករណីវិជ្ជមាននិងស្លាប់ប្រចាំថ្ងៃមួយរយៈចុងក្រោយនេះ ធ្លាក់ចុះគួរឲ្យកត់សម្គាល់ ខណៈដែលប្រជាជនជប៉ុនជាង៧០ភាគរយបានទទួលការចាក់វ៉ាក់សាំង៕
លន់ សារ៉ាត
ខ្ញុំបាទ លន់ សារ៉ាត ជាពិធីករអានព័ត៌មាន និងជាពិធីករសម្របសម្រួលកម្មវិធីផ្សេងៗ និងសរសេរព័ត៌មានអន្តរជាតិ
